Istanbuldagi restoranlardan birida robot-ofitsiantlar xizmat ko‘rsatmoqda

  • 13 sentyabr 2019, 11:13
  • 573
  • Dunyo
  • Istanbuldagi restoranlardan birida robot-ofitsiantlar xizmat ko‘rsatmoqda
    Foto: RIA Novosti / Myudjaxit Kushman
    Istanbulning Atakyoy tumanidagi restoranlardan birida endilikda mijozlarga ofitsiantlar o‘rniga robotlar xizmat ko‘rsatadi. Bu haqda restoran direktori Mujohid Kushman ma’lum qilgan.

    “Robotlarni mijozlarga xizmat ko‘rsatishga tatbiq qilish g‘oyasini bizga mijozlarimizdan biri bo‘lgan professsor taklif qilgandi. Biz bu g‘oyani hayotga tatbiq qildik. Shuningdek, o‘z robotlarimizni brendimizga aylantirdik va unga mualliflik huquqlarini rasmiylashtirdik. Hozir bizda 3 ta robot bor, ularni xorijda buyurtirganmiz, turk muhandislari esa ularni dasturlashtirgan”, deb aytgan restoran direktori.

    Kushmanning ta’kidlashicha, robotlar restoranga ko‘plab mijozlarni jalb qilmoqda. “Ko‘pchilik bu qanday yuz berishini ko‘rish uchungina kelmoqda. Robotlar qaysi stol yoniga borishni va gapirishni biladi. Kelgusida ular ofitsiantlar o‘rnini egallashiga ishonchim komil. Texnologiyalar rivojlangani sari bu kasbga talab tobora kamayib boradi”, deb ta’kidlab o‘tgan restoran rahbari.

    Uning aytishicha, “o‘zboshimchalik qilmaydigan, faqat buyurilganini bajaradigan robotlar hammaga yoqmoqda”.

    Avgustda Istanbul aeroportida sinov rejimida robot-konsultantlar ishlay boshlagan. Ular insonga o‘xshash ko‘rinishda bo‘lib, yo‘lovchilarga aeroport hududida harakatlanishda yordam ko‘rsatishga mo‘ljallangan. Ular, shuningdek, chiptadagi matnni o‘qish, parvozlar haqidagi ma’lumotlarni displeyga chiqarish, turk va ingliz tillarida parvozlar jadvali bo‘yicha savollarga javob berish kabilarni bajara oladi.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Istanbuldagi restoranlardan birida robot-ofitsiantlar xizmat ko‘rsatmoqda