Afg‘oniston prezidenti ishtirokidagi mitingda terakt sodir bo‘ldi

  • 17 sentyabr 2019, 16:27
  • 1 642
  • Dunyo
  • Afg‘oniston prezidenti ishtirokidagi mitingda terakt sodir bo‘ldi
    Afg‘onistonning Parvon viloyatida o‘tkazilgan saylovoldi mitingida yuz bergan portlash tufayli 24 kishi halok bo‘ldi, 31 kishi yaralandi.
    “Anadolu” agentligi xabariga ko‘ra, Jangal Bog‘ tumanidagi mitingda mamlakat prezidenti Ashraf G‘ani nutq so‘zlagan. Terrorchilar esa minalashtirilgan mototsiklni olomonning yaqinida portlatib yuborgan.

    Ichki ishlar vazirligi matbuot kotibi Nusrat Rahimiy teraktda jarohat olganlardan ayrimlarining ahvoli og‘irligini ma’lum qildi.
    Guvohlarning aytishicha, portlash paytida prezident Ashraf G‘ani miting maydonida bo‘lgan va unga zarar yetmagan.

    Eslatib o‘tamiz, Afg‘onistonda prezident saylovi 28 sentyabr kuni bo‘lib o‘tadi.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Afg‘oniston prezidenti ishtirokidagi mitingda terakt sodir bo‘ldi