Nyu-Yorkda muhojirlarni tahqirlaganlar 250 ming dollargacha jarimaga tortiladi

  • 02 oktyabr 2019, 18:30
  • 432
  • Dunyo
  • Nyu-Yorkda muhojirlarni tahqirlaganlar 250 ming dollargacha jarimaga tortiladi
    Nyu-York hukumati muhojirlik hamda milliy kelib chiqish bo‘yicha diskriminatsiyaga barham berish borasida yangi qoidalarni tasdiqladi.

    Yangi qoidalar jamoat joylarida xodimlar, ish beruvchilar, shuningdek, uy-joyni ijaraga beruvchilarga nisbatan qo‘llaniladi. Yangi qoidaga ko‘ra, diskriminatsiyani oldini olish maqsadida «noqonuniy migrant» iborasini ishlatish taqiqlandi.

    Shuningdek endi mehmonxona xodimlariga o‘z ona tilida gaplashishni taqiqlash, kvartira egalarining unda yashovchilar o‘rtasida mojaro kelib chiqqanda migratsiya xizmatiga shikoyat qilish bilan tahdid qilishi yoki biror bir vaziyatda «ingliz tilida gapirish yoki o‘z yurtiga ketish»ni talab qilish diskriminatsiya deb hisoblanadi.

    Qayd etilishicha, yangi reglamentni buzganlar 250 ming dollargacha jarimaga tortiladi. Nyu-Yorkda qariyb 3,2 million aholi AQShdan tashqarida tug‘ilgan bo‘lib, ularning yarmi Amerika fuqarolari emas.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Nyu-Yorkda muhojirlarni tahqirlaganlar 250 ming dollargacha jarimaga tortiladi