Yevropada odamlar kolbasadan zaharlanib oʻlmoqda

  • 05 oktyabr 2019, 12:25
  • 1 080
  • Dunyo
  • Yevropada odamlar kolbasadan zaharlanib oʻlmoqda
    Foto: “Rambler”
    Niderlandiyada uch, Germaniyada ikki nafar fuqaro listerioz yuqtirgan kolbasa isteʼmoli oqibatida hayotdan koʻz yumdi, deb yozadi Xabar nashri.

    Listerioz — ogʻir bakterial infeksiya.
    Kolbasa isteʼmol qilgan yana bir niderlandiyalik esa homiladorlikning oxirgi oyida farzandidan judo boʻldi.

    Niderlandiyadagi bir nechta supermarketlar oʻz rastalaridan Alsmerdagi “Offerman” kompaniyasiga tegishli goʻsht mahsulotlarini olib qoʻyishdi. Goʻsht boʻyicha bu gigant anchadan beri hukumat va sanitariya xizmatlarining diqqat markazida turibdi. Gollandiya kompaniyasi, shuningdek, Germaniya va Belgiyaga ham kolbasa yetkazib bergan, deyiladi internet sahifasida.

    Mahalliy hukumatning maʼlum qilishicha, soʻnggi ikki yilda Niderlandiyada kolbasaning har xil turlaridagi bakteriyalar sabab 20 ta zaharlanish holati qayd etilgan. Mamlakat oziq-ovqat inspeksiyasi uning manbalarini aniqlash uchun yangi texnik jarayonlardan foydalangan.

    — Ayni vaqtda yuqtirish manbai topilgan koʻrinadi, — deydi uning vakili.

    Maʼlum boʻlishicha, Alsmerda kolbasa mahsulotlarini ishlab chiqaruvchilar taxminan 130 turdagi kolbasa mahsulotlarini supermarketlardan qaytarib olishgan. Negaki, ular ham listeriya yuqtirgan boʻlishi ehtimoldan xoli emas.

    Niderlandiyadagi shov-shuvli kolbasa masalasi Germaniyadagi hodisa bilan bogʻliqmi-yoʻqmi, hozircha maʼlum emas. Gessendagi “Wilke” zavodida ishlab chiqarilgan kolbasalarni isteʼmol qilgan oʻnlab odamlar ham listerioz bilan zaharlangani, ikki kishi hayotdan koʻz yumgan maʼlum boʻldi. “Wilke” zavodi oʻzining mahsulotini koʻplab qahvaxona, restoran va supermarketlarga yetkazib bergan, shuningdek, boshqa davlatlarga eksport qilgan. Mazkur goʻsht mahsulotlarini ishlab chiqaruvchi gigant zavod faoliyati Germaniya sanitariya xizmatlari tomonidan juma kuni belgilanmagan muddatga toʻxtatib qoʻyildi.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Yevropada odamlar kolbasadan zaharlanib oʻlmoqda