Qirg‘iziston harbiylari Qozog‘istonda uchta raketani yo‘qotib qo‘yishdi

  • 06 oktyabr 2019, 17:50
  • 1 699
  • Dunyo
  • Qirg‘iziston harbiylari Qozog‘istonda uchta raketani yo‘qotib qo‘yishdi
    Foto: topwar.ru
    Qirg‘iziston harbiy prokuraturasi Qozog‘istonda o‘tgan harbiy mashg‘ulotlar vaqtida uchta jangovar raketa yo‘qotilgani bo‘yicha ish ochdi.

    Xabar qilinishicha, «Sarishagan» harbiy-dala poligonida bo‘lib o‘tgan qo‘shma mashg‘ulotlar vaqtida Qirg‘iziston harbiylari uchta raketani yo‘qotib qo‘yishgan. Ushbu mashg‘ulotga Qirg‘iziston armiyasi zenit-raketa brigadasi S-125 va S-75 rusumli sakkizta raketa olib kelgan edi.

    «Sakkizta raketadan beshtasi otilgan, ammo uchtasi go‘yoki yo‘qotilgan. Mana shu uchta raketa qaytarib olib kelinishi kerak edi, ammo yo‘lda yo‘qotib qo‘yilgan. Ayni vaqtda bu holat bo‘yicha harbiy prokuratura ish boshladi», deyiladi xabarda.

    Qirg‘iziston harbiy kuchlari bosh shtabi tomonidan bu ma’lumot inkor etilmoqda. Rasmiy ma’lumotda aytilishicha, Qozog‘istonda o‘tgan harbiy mashg‘ulot vaqtida ba’zi harbiy aslahalar nosoz holatda bo‘lgan.

    «Har bir qurol-yarog‘ mashg‘ulot davomida tekshiriladi. Ulardan bir nechtasi shubha uyg‘otgan edi, shu sababli yo‘q qilingan. Bu haqda dalolatnoma tuzilgan», — deyiladi rasmiy bayonotda.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Qirg‘iziston harbiylari Qozog‘istonda uchta raketani yo‘qotib qo‘yishdi