120 marta nafas olish 21 dollar: shveysariyaliklar havodan pul qilmoqda

  • 10 noyabr 2019, 17:08
  • 1 101
  • Dunyo
  • 120 marta nafas olish 21 dollar: shveysariyaliklar havodan pul qilmoqda
    Endi istalgan kishi Alp havosidan nafas olishi mumkin. Shveysariyada g‘aroyib startap ishga tushdi: Swiss Alpine Air kompaniyasi internet orqali tog‘ havosi savdosini boshladi.

    «Har yili turistlar tetiklashtiruvchi manzaradan zavq olish va toza tog‘ havosidan nafas olish uchun Shveysariyadagi Alp tog‘lariga kelishadi», – deyiladi kompaniya saytida. – Tog‘ manbalaridan olingan Shveysariya suvi, shokolad va pishloqni ekport qilyapmiz. Shunday ekan, nima uchun toza havoni eksport qilmasligimiz kerak? Bu – dunyodagi eng zo‘r havo».

    Saytda Alp tog‘ining 7 litrga yaqin havosi yuklangan ballonchani sotib olish mumkin. Bu miqdor taxminan 120 marta nafas olish yoki 10 daqiqalik ingalyatsiya uchun yetarli.

    Bitta ballon 21 dollar turadi. Mahsulotga individual niqob ham biriktirilgan.

    Hozirda uddaburon shveysariyaliklar o‘z loyihalari uchun investor izlashmoqda. Kompaniya saytida tog‘ havosining asosiy xaridorlari ifloslangan atmosfera muammosiga ayniqcha ko‘p duch keluvchi xitoyliklar bo‘lishi mumkinligi aytilgan.

    BigPicture`ning qayd etishicha, «Alp musaffoligi» tushunchasi reklama sohasida faol qo‘llaniladi. Bu esa Shveysariya firmasi marketologlari zimmasidagi vazifani ancha yengillashtiradi.

    Ta’kidlash joiz, bu – xitoyliklarga havoni taklif qilish bilan pul ishlashga doir birinchi loyiha emas. 2015 yilda Kanadaning Vitality Air kompaniyasi Kanada tog‘laridan yig‘ilgan havo bilan savdo qilishni boshlagan. O‘shanda 500ta ballondan iborat ilk partiya to‘rt kun ichida sotib bo‘lingan edi. Vitality Air biznesi bugungacha muvaffaqiyatli etib kelmoqda.

    Tarixdan bunga yana bir misol: 1929 yilda sovet yozuvchisi Aleksandr Belyayev «Havo savdogari» nomli fantastik romanini chiqargan. Roman syujetiga asosan, ingliz biznesmeni Beyli o‘zining Yoqutistondagi yashirin fabrikasida atmosfera havosini siqishni boshlaydi. Dunyoda havo tanqisligi boshlangach esa kislorodni tovarga aylantiradi.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » 120 marta nafas olish 21 dollar: shveysariyaliklar havodan pul qilmoqda