Foto: Anadolu Agency
Turkiyaning sharqida kuchli zilzila yuz berishi oqibatida 18 kishi halok bo‘ldi. Bu haqda Turkiyaning favqulodda vaziyatlar va tabiiy ofatlar bo‘yicha boshqarmasi (AFAD) ma’lum qildi.
Ta’kidlanishicha, 13 kishi Elyazig‘, 4 kishi Malatya va bir kishi Diyorbakir viloyatlarida halok bo‘lgan. Bundan tashqari, 651 kishi jarohatlangan.
AFAD ma’lumotlariga ko‘ra, zilzila magnitudasi 6,8 ballni tashkil qilgan. Zilzila Elyazig‘ viloyatining Sivrij shahrida 24 yanvar soat 20:55 da qayd qilingan. Zilzila o‘chog‘i 10 km yer ostida bo‘lgan. Zilziladan keyin 2,7 dan 5,4 magnitudagacha 118 ta aftershok qayd qilingan.
Ushbu zilzila Turkiyada 500 mingga yaqin odamga ta’sir qilgan.
Ma’lum qilinishicha, zilzila oqibatida binolarga shikast yetgan. Voqea joyiga qidiruv-qutqaruv xizmatlarining mingga yaqin xodimi jo‘natilgan.
Yer osti silkinishlari Suriya, Livan, Iroq va Eron hududida ham sezilgan.
Turkiyada kuchli zilzilalar bo‘lib turadi. 1999 yilda Izmit shahrida ro‘y bergan 7,6 balli yer osti silkinishi oqibatida 17 ming kishi halok bo‘lgandi.
Bugungi zilziladan jabrlangan hudud poytaxt Anqaradan 550 kilometr sharqda joylashgan. Bu hududda aholi siyrak yashaydi va shu tufayli talofatlar haqidagi ma’lumotlar uzilishlar bilan kelmoqda.
Sivrij shahrida 4 mingga yaqin kishi yashaydi, Tigr daryosi manbasi bo‘lgan Hazar ko‘li yoqasida joylashgan bu shahar turistlar orasida mashhur hisoblanadi.
“Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
«Real Madrid» ustozi Karlo Anchelotti kechagi g‘alabadan so‘ng nimalar dedi?
Erdo‘g‘on: «Isroil Gitlerdan ham o‘tib ketdi»
O‘zbekistonda zilzilaga tayyorgarlik kuchaytiriladi
Biznes imkoniyatingizni kengaytiring
AQSH razvedkasi: Ukraina 2024 yil oxirigacha urushda yutqazishi mumkin
Qondagi shakar miqdorini tartibga soluvchi foydali meva nomi aytildi
Xotirani yaxshilashning juda oddiy usuli topildi
Sirdaryoda budjetga juda ko‘p miqdorda zarar yetkazgan mayning ferma aniqlandi
