Yer yassi ekanligini isbotlamoqchi bo‘lgan ixtirochi qo‘lbola raketa parvozi chog‘ida halok bo‘ldi

^{Foto: AP}
AQSHda 22 fevral, shanba kuni Telba Mayk laqabi bilan tanilgan 64 yashar Maykl Xyuz bug‘ dvigatelli qo‘lbola raketa sinovi chog‘ida halok bo‘ldi. Bu haqda Meduza'ga tayanib Daryo xabar bermoqda.

Tajriba Kaliforniya shtatining Barstou shahri yaqinidagi sahroda o‘tkazilgandi. Xyuz raketada 1,5 ming kilometr balandlikka ko‘tarilish va shundan so‘ng parashyutda yerga qo‘nishni rejalashtirgandi.
Parvozdan keyin raketada kerakli payt parashyut ochilmadi va qurilma ko‘p o‘tmay yerga quladi: VIDЕO

Maykl Xyuz o‘zini Yer tekisligi nazariyasi tarafdori deb bilardi. Buni isbotlash uchun u 2014 va 2018 yillarda o‘zining raketalarini sinovdan o‘tkazgan, birinchi gal 419, ikkinchi safar 571 metr balandlikka ko‘tarilishga muvaffaq bo‘lgandi. “Zamin” yangiliklarini “Twitter”da kuzatib boring