O‘zbekiston Respublikasi Prezidenti Shavkat Mirziyoyev 13 sentyabr kuni “Pul-kredit siyosatini yanada takomillashtirish chora-tadbirlari to‘g‘risida”gi qarorni imzoladi. Hujjatda makroiqtisodiy barqarorlikni ta’minlash va aholi turmush darajasini yaxshilash uchun pul-kredit siyosatining mavjud vositalarini tubdan qayta ko‘rib chiqish zarurligi qayd etilgan.
Qaror bilan Markaziy bankning o‘rta muddatli istiqbolda pul-kredit siyosati maqsadlariga erishish mexanizmlari va prinsiplarni, jahondagi markaziy banklar tomonidan ichki narxlar barqarorligini ta’minlashda qo‘llaniluvchi inflyatsion targetlash tartibiga (Inflyatsion targetlash – bu o‘rta muddatli istiqbolda inflyatsiya maqsadini belgilash va unga erishishga qaratilgan pul siyosati rejimi) qayta ko‘rib chiqish bo‘yicha taklifi tasdiqlandi.
Markaziy bank, Moliya vazirligi va Iqtisodiyot vazirligi tomonidan 2017-2021 yillar davrida pul-kredit siyosatini yanada takomillashtirish va inflyatsion target rejimiga bosqichma-bosqich o‘tish bo‘yicha ishlab chiqilgan Chora-tadbirlar majmui tasdiqlandi.
Markaziy bankka 2018 yil 1 martgacha pul-kredit siyosatini amalga oshirish va rivojlantirish o‘rta muddatli Konsepsiyasini hamda konsepsiyani 2018-2021 yillarda amalga oshirish bo‘yicha «yo‘l xaritasini» ishlab chiqish va tasdiqlash vazifasi topshirildi.
Unda inflyatsion target rejimiga quyidagi yo‘llar bilan bosqichma-bosqich o‘tish nazarda tutilgan bo‘lishi kerak:
umumiqtisodiy, soliq-byudjet va pul-kredit siyosatini muvofiqlashtirish amaliyotini takomillashtirish, iqtisodiy o‘sish maqsadlari, davlat byudjeti balansi va iqtisodiyotdagi narx darajasining barqarorligi bo‘yicha maqsadlar muvofiqligi hamda o‘zaro aloqalarini ta’minlashga alohida e’tibor berish;
likvidlikni taqdim etish va jalb qilish operatsiyalari bo‘yicha samarali foydalanadigan foizli pul-kredit siyosati vositalarini kengaytirish;
tijorat banklari tomonidan foiz stavkalarini shakllantirish uchun bozor mexanizmlarini, shu jumladan, kreditlar bo‘yicha keng qo‘llash;
makroiqtisodiy tahlil va prognozlarning eng yaxshi xorijiy tajriba modellariga muvofiq takomillashtirish;
pul-kredit siyosatining shaffofligi va oldindan taxmin qilinish imkoniyatini oshirish, jumladan, qo‘llaniladigan vositalar va olib boriladigan siyosatning asosiy maqsadlari to‘g‘risida axborot berish maqsadida jamoatchilik bilan munosabatlarni mustahkamlash.
Joriy yilning 1 oktyabrigacha respublika moliya bozorini, shu jumladan, o‘rta va uzoq muddatli istiqbolda davlat qimmatli qog‘ozlar bozorini yanada rivojlantirish Konsepsiyasi loyihasi ishlab chiqilishi lozim.
Manba: kun.uz “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Eron prezidenti jiddiy bayonot berdi: «Isroildan hech narsa qolmaydi»
Toshkentda 02 kodli avtoraqamlar taxminan qachon paydo bo‘lishi aytildi
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Germaniyada maktab o‘quvchilari ommaviy ravishda islom dinini qabul qilmoqda
Amerikalik olimlar barcha uchun birdek foydali jismoniy faollik turini aniqladi
Rossiya dunyodagi birinchi vodorod yoqilg‘ili avtomobilni taqdim etdi
Qaysi kundalik odatlar immunitet pasayishiga olib kelishini bilasizmi?
Sariqmi yoki yashil: qaysi turdagi banan foydaliroq?