23:43 / 29.03.2018
4 684

Germaniya hukumati O‘zbekistonga 12,3 million yevro ajratadi

Germaniya hukumati O‘zbekistonga 12,3 million yevro ajratadi
Germaniya va O‘zbekiston hukumati umumiy qiymati 12,3 mln yevro miqdoridagi moliyaviy hamkorlik to‘g‘risida bitim imzoladi, deb xabar berdi Sputnik.

2018 yil oxirigacha mo‘ljallangan hujjat Toshkentda imzolandi. Hujjatni Germaniya hukumati nomidan GFRning O‘zbekistondagi elchisi Gyunter Overfeld, O‘zbekiston hukumati nomidan Investitsiyalar bo‘yicha davlat qo‘mitasi raisining o‘rinbosari Shuhrat Vafoyev imzoladi.

“Moliyaviy hamkorlik to‘g‘risidagi bitim sog‘liqni saqlash sohasida loyihalarni amalga oshirishni nazarda tutadi. Bular xususan, O‘zbekiston viloyatlarida sil kasalligiga qarshi kurashish bo‘yicha loyiha doirasida ko‘p tarmoqli tibbiyot markazlarini modernizatsiya qilish va maxsus laboratoriyani jihozlash, shuningdek, loyihani amalga oshirishda bajariladigan tadbirlar uchun zarur bo‘lgan grantlarni ajratishdir”, — deyiladi Germaniyaning Toshkentdagi elchixonasi tomonidan.

Qayd etish joiz, 1993 yildan buyon Germaniya hukumati tomonidan texnik va moliyaviy hamkorlik doirasida ajratilgan mablag‘lar miqdori 341 mln yevrodan oshdi.

Germaniya O‘zbekistonning Yevropa Ittifoqidagi muhim hamkorlaridan hisoblanadi. 2016 yilda o‘zaro tovar almashish hajmi 520 million dollardan oshgan. O‘zbekistonda Germaniya investitsiyasi ishtirokida 100 dan ortiq korxona faoliyat ko‘rsatadi.

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Iqtisodiyot » Germaniya hukumati O‘zbekistonga 12,3 million yevro ajratadi