19:06 / 16.10.2016
8 558

O‘ziga ohanrabodek tortuvchi ayollarning 6 odati

O‘ziga ohanrabodek tortuvchi ayollarning 6 odati

Hech ahamiyat berganmisiz, shunday ayollar borki, kattayu kichikni o‘ziga birdek rom etadi, doimo diqqat markazida bo‘ladi, hamma ular bilan suhbatga oshiqadi. Xo‘sh, buning siri nimada?

1. Hamma narsaga ijobiy qaraydilar

Ha, ularda ham asabiylik, tushkun kayfiyat bo‘ladi. Ammo faqat yaxshilikka ishonib yashaydilar. Yomonlikdan ham yaxshilik qidiradilar, yuzlarida doimo nim tabassumni ko‘rasiz. Tabiiyki, qovog‘i solingan, doim nimadandir norozi, o‘ychan ayollardan ko‘ra tabassum qiluvchi xonimlar bilan suhbatlashgingiz keladi. Undagi xush kayfiyat sizga ham “yuqadi”.

2. Mas’uliyatni o‘z bo‘ynilariga oladilar

Baxtli va xush kayfiyatda bo‘lishning sirlaridan biri hamma narsa o‘z izmingizdaligiga va o‘z hayotingizga faqat o‘zingiz javob bera olishingizdadir. Agar omadsizliklaringizga kimnidir aybdor qilsangiz, o‘zingizdan hammani uzoqlashtirasiz, chunki boshqalarga salbiy hislaringizni boshqalarga “yuqtirasiz”da.

3. O‘zlarini aldashmaydi

Bunday xonimlar o‘zlarini aldamaydilar. Hayotga teran qaraydilar va hammasi yaxshi bo‘lishiga o‘zlarini ishontiradilar. Aslida ham, shunday bo‘lishi uchun qo‘llaridan kelgan barcha narsani qiladilar.

4. Yaxshilikni ravo ko‘rishadi

Yaqin insonidan ayb axtaraverish munosabatlarni burchakka taqab qo‘yishini bilishadi. Hammani boricha qabul qilib, ortig‘ini kutmaydilar, atrofdagilarni o‘zgartirishga harakat qilmaydilar ham. Hatto hayotlardagi eng yomon hodisa yuz berganda ham, darrov aybdorlarni qidirishga kirishmaydilar. Aksincha, vaziyatga ob’ektiv yondashadilar.

5. Yaqinlarining o‘sishiga xalaqit bermaydilar

Aksincha yordam beradilar. Oilaning tinchligi uchun orzularidan voz kechishga to‘g‘ri kelganidan hech qachon nolimaydilar. Turmush o‘rtog‘ingizning qiziqishlari va orzulariga qarshilik ko‘rsatmaydilar. Ularning amalga oshishiga ko‘maklashadilar.

6. Ular avvalo o‘zlari uchun pardoz qilishadi

Hamisha o‘zlariga oro berib yuradilar. Ularni barcha kamchiliklari bilan, borlaricha qabul qiladilar. Har qanday sharoitda ham go‘zal bo‘lish uchun harakat qiladilar.

Manba: Darakchi.uz

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Hayot uchun » O‘ziga ohanrabodek tortuvchi ayollarning 6 odati