Tishlarga zarar etkazadigan odatlarimiz

  • 24 noyabr 2016, 15:01
  • 5 990
  • Hayot tarzi
  • Tishlarga zarar etkazadigan odatlarimiz

    Stomatologlar tishlarni ishdan chiqaradigan asosiy odatlar nimaligini aytdi. Ba’zi tavsiyalarga rioya qilaman, deb o‘z tishlarimiz salomatligiga ziyon etkazayotganimizni bilmay qolarkanmiz.

    Britaniyaning The Daily Mail gazetasi stomatolog Tariq Idrisga tayanib, ba’zi keng tarqalgan xatolar haqida maqola e’lon qildi.

    Ko‘p choy va qahva ichish

    Ushbu ichimliklar tarkibidagi kofein og‘iz bo‘shlig‘ini quritib yuboradi, bu karies xavfini oshiradi. Yana bir modda, tanin (u ayniqsa, choyda ko‘p bo‘ladi) terini oshlovchi xususiyatlarga ega bo‘lib, emalning qorayishiga, tishlarda sarg‘ish dog‘lar paydo bo‘lishiga olib keladi. Shu bilan birga, tishlar sarg‘ayishi uchun kuniga 5—6 chashka achchiq qora qahva ichish kifoya bo‘ladi.

    Ba’zi ayollar choy yoki qahva o‘rniga, bezarar ichimlik sifatida limonli issiq suv ichishni afzal ko‘radi. Ammo bunday ichimlik tishlar uchun choy yoki qahvadan ham ko‘ra zararliroqdir, chunki u emal eroziyasi rivojlanishiga imkon yaratadi.

    Tishlarni juda tez-tez yuvish

    Tishni kuniga ikki mahal — ertalab va kechqurun yuvish — og‘iz bo‘shlig‘ida gigienani saqlash uchun etarli. Biroq ba’zilar har safar ovqatlanib bo‘lgach, ayniqsa, to‘yimli tushlikdan so‘ng tish tozalaydi. Shu bilan birga, yodda tutingki, gazli yoki nordon ichimlikdan so‘ng darhol tish yuvish emal va uning ostidagi qavat — dentinga zarar etkazadi. Agar ovqatdan so‘ng tishlarni tozalashingiz kerak bo‘lsa, kamida bir soat kutib turing. Bu vaqt ichida so‘lak kislotani neytrallashtirishga ulguradi.

    Juda ko‘p meva eyish

    Boshqa organlar uchun foydali jihatlariga qaramay, mevalar tishlarga zarar keltiradi. Mevalar og‘izda juda nordon muhitni yaratadi. Bundan tashqari, kislota ishlab chiqarib, shu bilan vaziyatni chuqurlashtiradigan bakteriyalar fruktoza bilan oziqlanadi.

    Zararni yo‘qqa chiqarish uchun meva eb bo‘lgandan so‘ng og‘izni suv bilan chayqab tashlash yoki kislotani neytrallashtiradigan mahsulot, masalan, pishloq eyish kerak.

    Ichimliklarga solingan muzni tishlab eyish

    Birinchidan shu tariqa tishni sindirib olish mumkin. Ikkinchidan, tish emali yuzasidan kichik yoriqlar paydo bo‘ladi, bu esa ancha jiddiy muammolarni keltirib chiqarishi muqarrar.

    Tishdan asbob sifatida foydalanish

    Tish yordamida butilka qopqog‘ini ochish, paketni yirtish yoki yangi kiyimdagi qog‘ozlarni uzib olishga urinar ekansiz, tishlaringizga shikast etishi mumkin — tishning bir bo‘lagi uchib ketishi yoki butun bir tish sinib tushishi mumkin.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Tishlarga zarar etkazadigan odatlarimiz