Bolani chempion qilib etishtirish uchun sportning qaysi turini tanlash kerak?

Biron-bir sport turida muvaffaqiyatga erishish uchun bolalikdan jiddiy shug‘ullanish zarur. Bu erda katta mas’uliyat ota-ona zimmasiga yuklatiladi, chunki sizning tanlovingiz farzandingizning taqdirini belgilaydi. Bizning maslahatlarimiz bolangizga mos bo‘lgan sport turini aniqlab olishingizga yordam beradi.

Nimaga e’tiborni qaratish kerak?

Shunday ota-onalar borki, bolaning sport bilan bog‘liq hayotiga aralashishga, trener o‘rnini bosishga, bo‘lar-bo‘lmasga dakki beraverib va bu bilan bolaning kayfiyatini so‘ndirib uning har-bir qadamini nazorat qilishga urinadilar. Mutlaqo befarqlik va vasvasali holatda nazorat qilish istagi orasidagi o‘rtalikni topish muhimdir.

Qiyin tanlov

Ba’zi bolalar tug‘ilganidan boshlab fikri-xayoli sportning aniq bir turida bo‘ladi. Bu ko‘pincha ota-onalar yoki aka-opalar ta’siri tufayli yuz beradi.

Lekin, ko‘p hollarda sport turini shaxsiy omillardan kelib chiqib tanlashga to‘g‘ri keladi. Bu u yoki bu sport maskanining uyga yaqinligi, nufuzliligi yoki urf bo‘lgani bo‘lishi mumkin.

Nima uchundir ota-onalar bolaning o‘zini va imkoniyatlarini kamdan-kam hollarda xolisona baholaydilar. Ular aynan shu jihatlar uning muvaffaqiyatlarga erishishiga yordam berishini o‘ylamaydilar.

Navbatdagi bosqich — albatta shifokor ko‘rigidan o‘tish. Bola sportning muayyan turiga qatnashishga qaror qilgan bir paytda, to‘satdan bu uning sog‘ligiga to‘g‘ri kelmasligi ma’lum bo‘lib qolishi juda achinarli hol!

Xato qilishdan qo‘rqmang – hatto noto‘g‘ri tanlov ham hech narsa qilmaslikdan yaxshiroq. Bolangizni sportga iloji boricha ertaroq bersangiz, u katta bo‘lganida sizga rahmat aytadi.

Manba: Daryo “Zamin” yangiliklarini “Odnoklassniki”da kuzatib boring