Krossovkalarni oq holatda saqlash uchun tavsiyalar

  • 28 aprel 2017, 12:26
  • 5 490
  • Hayot tarzi
  • Krossovkalarni oq holatda saqlash uchun tavsiyalar
    Loy, ko‘lmaklar, o‘tlar va hatto yo‘l chetidagi to‘siqlar ham oppoq krossovkalaringizni kirlantirishi mumkin. Bizning tavsiyalarimiz yordamida krossovkalaringizga yana oppoq rangni qaytarishingiz mumkin.

    Oq poyabzalni quyoshda saqlamang

    Oq krossovkalar quyosh nurlari to‘g‘ri tushadigan joyda turmasligi kerak: mato yoki charm o‘ngib qoladi va sarg‘ayadi. Oyoq kiyimiga ehtiyotkorlik bilan munosabatda bo‘lib, uni salqin va qorong‘i joyda saqlang.

    Yumshoq shampun qo‘llang

    Krossovkada yog‘ dog‘i paydo bo‘lgan bo‘lsa, e’tiborsiz qoldirmang: vaqt o‘tishi bilan u sarg‘ayadi va ko‘zga tashlanib qoladi. Shu tufayli uni zudlik bilan ketkazish kerak. Buning uchun yumshoq shampun (soch uchun)dan foydalaning, uni iliq suvga aralashtiring. Mayin gazlamali sochiqni yoki kichik cho‘tkani aralashmada ho‘llab oling va dog‘ni ehtiyotkorlik bilan ishqalang. U yo‘qolishi kerak.

    Oq krossovkani hech qachon kir yuvish mashinasida yuvmang

    Kir yuvish mashinasida siqish va chayish rejimida poyabzal gazlamasi tolalari katta kuch bilan buraladi, tagcharm esa juda katta yuk ostida qoladi. Bunday yondashuv bilan hatto eng chidamli oyoq kiyim ham “uzoq yashamaydi”.

    Iplarini qo‘lda yuving

    Bir marta bo‘lsa ham krossovka iplarini mashinada yuvib ko‘rgan bo‘lsangiz, ular natijada ko‘p buralib ketgan ikkita uzun mato bo‘lagiga aylanganiga guvoh bo‘lgansiz. Bunday xatolarni takrorlamaslik uchun, iplarni qo‘lda yuvish vositasi bilan tozalang va havoda quriting.

    Tirnalgan joylarini oq lak bilan qoplang

    Charm krossovkalardagi tirnalgan izlar ularni bir lahzada arzon ko‘rinishga keltiradi. Buni tuzatishda tirnoq uchun oddiy lak yordam beradi. Oq lakni ziyon etgan joyga bir necha qavat qilib suring, shunda oyoq kiyimning ko‘rkam ko‘rinishi saqlanib qoladi.

    Poyabzalni quriting

    Krossovkani yuvgach, uni albatta qog‘oz sochiq ustida quriting. Qog‘oz ortiqcha namlikni singdirib oladi, oyoq kiyim tezroq quriydi va kir oq tusga kirmaydi. Shuningdek, krossovkani qish paytida javonga olib qo‘yishda ham uni gazeta varaqlari bilan to‘ldirsangiz, nam bosib qolmaydi.

    Eski tish cho‘tkasidan foydalaning

    Tozalash qiyin bo‘lgan joylar, masalan, chok chizig‘i yoki taram-taram tagcharmdagi mayda dog‘lar va kirlarni tish cho‘tkasi yordamida ketkazing. Uni suv va yumshoq sovun aralashmasiga botirib oling va iflos joyni ishqalang.

    Sirkani zaxira qilib qo‘ying

    Krossovkadagi mayda dog‘larni oson va tez ketkazishda oddiy osh sirkasi qo‘l kelishi mumkin. Sirkada namlangan yumshoq mato bilan kirlangan joyni ishqalang.

    Manba: “Daryo”

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Krossovkalarni oq holatda saqlash uchun tavsiyalar