26 024
… 78-54 abonenti (yosh qiz)ning javobi: «Menga nima deysiz? Undan ko‘ra eringizni yig‘ishtirib oling!»
— Xiyonat degan so‘zdan hamma hayiqsa kerak. Chunki oilada kimdir xiyonat yo‘liga kirdimi, uning ziyon-zahmi shu oila uchun juda og‘ir kechadi. Men ba’zida tushunmayman, nega yosh qizlar o‘z-o‘ziga jabr qilyapti?!
Erim bilan sevishib turmush qurganmiz, ikki farzandimiz bor. Ikkinchi farzandimiz tug‘ilishi arafasida erim bir qizga ilakishib qoldi. Erim-ku, mayli, men o‘sha qizga hayron qoldim. Chunki u erimning oilali va bola-chaqasi borligini bilardi.
Ikkinchi farzandimiz tug‘ilgandan keyin bu sirdan ogoh bo‘ldim va qizni topib, u bilan gaplashdim. Undan nega bunday qilayotganini so‘radim. Ishonsangiz, u pinagini ham buzmay: «Menga nima deysiz? Undan ko‘ra eringizni yig‘ishtirib oling!» dedi.
Unga javoban: «Menga qara, qizaloq, sen o‘zingni yig‘ishtirib ol. Erimning yo‘rig‘i boshqa, ammo senga o‘xshaganlarning sho‘riga sho‘rva to‘kilib, sharmanda bo‘lganing qoladi. Esing borida etagingni yop», dedim-u, uyga qaytdim. To‘g‘risini aytsam, o‘sha qizning oldida bo‘g‘ila boshlaganimdan undan yiroqlashdim.
«Nahotki qizlarda sharm-hayo qolmadi? Nahotki ularning orzu-niyatlari bo‘lmasa?! Axir ularning o‘zi ham ertaga bir oilaning bekasi bo‘ladi-ku?! Bu qizlarning hammasi ham ota-onasiz emasdir? Ana o‘sha ota-onalarning ko‘zi qayoqda? Nima uchun ular bu yoshda ko‘chaga chiqib ketishdi?»
Mana shu savollar girdobida uyimga qaytarkanman, Xudoga shukr qildim. Chunki ota-onam vaqtida tergab, to‘g‘ri tarbiya berganiga va shu sabab haqiqiy baxtga yetishganimga.
Ayni damda erim bu voqeadan xabar topdimi yoki Xudo insof berdimi, bilmadim, xullas, qing‘ir yo‘lidan qaytdi. Shunday bo‘lsa-da, hamon shubhayu gumonlar ichidaman. Menga maslahat bering, erim bilan bu borada gaplashib olaymi yoki indamay yashayveraymi?
… 78-54 abonenti
Manba: Hordiq.uz “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Damas uchun onlayn kontraktatsiya ochiladi
Germaniyaning Knauf kompaniyasi Rossiyadan butunlay chiqib ketishini tasdiqladi
Futzal. Osiyo Kubogi. Tojikiston Yaponiyani guruhda qoldirdi
Shveysariya prezidenti Putinga maktub yo‘lladi
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Zohida Umarova nima sababdan o‘g‘li va kelini bilan birga yashamasligini aytdi
Olimlar o‘quvchilarning familiyasidagi bosh harf ularning bahosiga ta’sir qilishini aniqladi
AQSHning Suriyadagi harbiy bazasiga raketalar hujum qildi