— Men dugonamning to‘yida bir yigitni uchratib qoldim. Aniqrog‘i, u kuyovjo‘ra edi, men esa kelinning o‘rtog‘i, ya’ni dugonamga hamrohlik qilardim. U menga tinimsiz qarab qo‘yar, ba’zan ko‘zini uzmasdi. Men bundan juda noqulay holatga tushardim. Yor-yor sadolari ostida to‘yxonaga kirayotganimizda ham u mendan ko‘z uzmadi. To‘y boshlanganida esa meni raqsga taklif qilgandi, u o‘ylagan qizlardan emasligimni aytib, baqirib berdim.
Notanish yigit indamay, mendan uzoqlashdi va o‘sha kuni kechqurun qo‘ng‘iroq qildi. Keyin bilsam, telefon raqamimni to‘y kuni dugonalarimdan olgan ekan. Meni sevishini aytib, tinimsiz qo‘ng‘iroq qilaverdi. Boshida unga qattiq-qattiq gapirgan, hatto haqorat qilsam-da, bora-bora unga bog‘lanib qoldim. U meni sevishiga ishontira oldi. Endi men ham unga ko‘ngil qo‘ygandim. Ammo oradan ma’lum vaqt o‘tib, uning muomalasi o‘zgardi. Mendan sovib borayotgandek edi. Gaplari ham avvalgidek emas, istar-istamay gapirardi. Qo‘ng‘iroq qilsam, doim kimlardir bilan gaplashayotgan bo‘lardi. «Kim bilan gaplashyapsiz?» desam, «Do‘stlarim, qarindoshlarim» deb bahona qilardi. Keyin bilsam, u boshqasini topgan ekan.
Shunday kunlarning birida u menga qo‘ng‘iroq qilib, meni sevmasligini, shunchaki o‘rganib qolganini aytdi. Soddaligim tufayli unga ishonganimni ta’kidlab, buning uchun uzr so‘radi. Boshida gaplarini hazilga yo‘ydim, ammo ota-onasi uni qarindoshiga unashtirmoqchi ekanligini aytganida bu gaplar haqiqatligini angladim. U bilan aloqalarim batamom uzildi. Ota-onam meni turmushga berishmoqchi, lekin boshqa yigitga ko‘ngil qo‘yolmasam-chi? Nima qilishni bilmayapman. Ammo shunday bo‘lsa-da, o‘sha yigitga baxt tilayman.
… 53-59 abonenti
Manba: Hordiq.uz “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonda zilzilaga tayyorgarlik kuchaytiriladi
Erdo‘g‘on: «Isroil Gitlerdan ham o‘tib ketdi»
«Real Madrid» ustozi Karlo Anchelotti kechagi g‘alabadan so‘ng nimalar dedi?
Biznes imkoniyatingizni kengaytiring
Qondagi shakar miqdorini tartibga soluvchi foydali meva nomi aytildi
Nega Tramp Zelenskiyni yomon ko‘radi?
Qozog‘istonlik milliarderlar suv toshqinidan zarar ko‘rgan hududlarga mablag‘ ajratdi
Zelenskiy: Rossiya Ukrainaning issiqlik energetikasini deyarli to‘liq yakson qildi