Munajjimlar bashorati: 2018 yilda Qovg‘a burji vakillarini nimalar kutmoqda?

  • 27-11-2017, 23:24
  • 15 446
  • Hayot tarzi
  • Munajjimlar bashorati: 2018 yilda Qovg‘a burji vakillarini nimalar kutmoqda?
    Birinchi navbatda sizdan xudo bergan optimistlik va shukronalik kabi xislatlaringizni yangi yilda ham saqlab qolishingiz talab etiladi. Eski yilda keragicha omadga erishdingiz. Hayotingiz zerikarli kechmadi. Nasib bo‘lsa, 2018 yil — It yilida ham siz omad og‘ushida umr ko‘rasiz.
    Bahor oylarida yangi tanishuvlar kutadi. Bu odamlar shaxsiy hayotingizda ham muhim rol o‘ynashi mumkinligini unutmang. Fevralda muammolar deyarli ko‘zga tashlanmaydi. Shunday ekan, xudo berganiga shukr qilib, quvonib yashayversangiz bo‘ladi.

    Agar ishdan bo‘yin tovlamasangiz, qiyinchiliklarga, zahmatga bardosh bera olsangiz, 2018 yili daromadingiz yomon bo‘lmaydi. Juda millioner bo‘lib ketmasangiz ham har holda qora qozon qaynashdan to‘xtamaydi. Tadbirkor bo‘lsangiz, yil davomida xorijdagi bir necha kompaniyalar bilan foydali shartnomalar tuzishingiz kutiladi.

    Muhabbatda ham siz xohlagan hodisalar yuz beradiki, hatto, o‘zingiz hayratdan yoqa ushlashingiz tayin. Oilada garmoniya, sokinlik hukm suradi. Oilalilar yoz davomida juftining ko‘nglini olish, uni mamnun etish harakatida yelib-yuguradi.
    Oilasizlarni ham it yili xafa qilmoqchi emas. Ular ham o‘z taqdirdoshini uchratib, romantika qurshovida bo‘lishadi. Ko‘pchilik kuzgacha yetmay to‘y kunini belgilash harakatiga tushadi.

    2018 yili jodugar va folbinlar ta’qibiga tushib qolishdan o‘zingizni ehtiyot qiling. Ularsiz ham ishlaringiz oshib-toshadi. Ammo tilaklaringiz xuddi ertaklardagidek haqiqatga aylanishi haqiqat. Faqat bunda joduning sira ulushi yo‘q. Xudo beradi barchasini.
    Kuzga borib o‘z biznesiga ega bo‘lishni orzulab yurganlar bemalol ish boshlayverishlari mumkin. Bu sohada jiddiy muammolar ko‘zga tashlanmaydi. Do‘stlar bilan tez-tez uchrashib muloqot qilishga ham vaqtingiz yetarli bo‘ladi.

    Ayniqsa moliyaviy ahvolingiz 2018 yili juda yuqori darajada bo‘lishi ehtimoldan xoli emas. Pullarni joy-joyiga, tejab sarflasangiz bas.
    Ba’zilar xorijdan ish topishi mumkin. Qolganlar esa ish joyida yanada kuchliroq hurmat-e’tiborga muyassar bo‘lishadi. Yil davomida emotsiyani jilovlagan holda ish tuting. Hamkasblar, yaqinlaringiz bilan katta janjallar kelib chiqishiga yo‘l qo‘ymang.
    Sirlaringizni faqat eng yaqin insoningizga ayting. Boshqalar bu sirlaringizni tarqatishi, oqibatda ko‘ngilsizliklar yuzaga kelishi mumkin. Salomatligingiz ham me’yorida bo‘ladi. Asosiysi, sog‘liq pand bera boshlaganini vaqtida payqab, darhol chorasini ko‘rsangiz bas.

    MUHABBATI
    2018 yil qovg‘a burji vakillariga cheksiz tuyg‘ularni hadya etadi. Buncha tuyg‘u bilan siz juftingiz, yaqinlaringiz, tanlaganingiz mehrini bemalol qozona olasiz. Ammo bu masalada shoshma-shosharlikka yo‘l qo‘ymang. Oilasiz bo‘lsangiz, bo‘lg‘usi taqdirdoshingizni tanlashda har taraflama kuzatib, o‘ylab ana undan keyin tuyg‘ularingizni oshkor eting.
    Oilalilar esa hayotga yangi mazmun kiritish harakatida bo‘lishlari lozim. Shunda o‘zaro munosabatlarda muammolar bo‘lmaydi.
    Juftingizning sizga bo‘lgan mehr-muhabbati professional kasbingiz bilan bog‘liq ishingizda ham o‘z aksini topadi. Ahillik kuchaya borgan sari uyga shuncha ko‘proq baraka oqib kela boshlaydi.

    OILASI
    Oilangizda qanday yo‘l bilan bo‘lmasin, ahillik, garmoniya, sokinlikni saqlab qolishga harakat qiling. Ba’zilarning xonadonida it yilida yangi mehmon dunyoga kelishi kutiladi.
    Yaqinlaringizni hadeganda tanqid ostiga olaverishdan tiyiling. Undan ko‘ra tez-tez oilaviy bayramlar uyushtirib, hayotingizdan zavq oling.
    Yoshi ulug‘, xasta qarindoshlar bo‘lsa, 2018 yili ular holidan tez-tez xabar olishni unutmang. Buning savobi cheksiz bo‘ladi. Har bir kuningizni hazil-mutoyiba, beg‘ubor kulgi bilan qarshi oling.
    Shunda it yili ham qarab turmaydi. Sizni yil bo‘yi kutilmagan sovg‘alarga ko‘mib tashlaydi.

    SALOMATLIGI
    2018 yili salomatligingizda aytarli muammo ko‘zga tashlanmaydi. Faqat uyqu masalasida qiynalishingiz kutilmoqda. Agar siz kun bo‘yi kompyuter qarshisida o‘tirsangiz, yo aqliy mehnat bilan band bo‘lsangiz, uyqusizlik yuzaga kelishi aniq. Bunga barham berish uchun asablarni davolash zarur bo‘ladi.
    Ertalablari yengil gimnastika mashqlarini bajarishga odatlansangiz, sergakligingiz ortadi, hayotga real nazar bilan boqa boshlaysiz. Zararli odatlarga mukkasidan ketganlar yangi yilda o‘zlarini qo‘lga olishlari, iroda kuchini ishga solishlari va shuning natijasida zararli odatlardan voz kechishlari kerak. Yo‘qsa, bir kun kelib jiddiy xastalikka duchor bo‘lmasligingizga hech kim kafolat bera olmaydi.
    Basharti xastalanib qolsangiz, 2018 yili xalqona yo‘llar bilan davolaning. Bu sizga ijobiy natija beradi inshoolloh. Iloji bo‘lsa, uy hayvonlaridan birontasini boqib oling. Ayniqsa, it va mushuklar insonning zararli energiyasini o‘ziga olib, salomatligi mustahkam bo‘lishiga munosib hissa qo‘sha oladi.

    MARTABA VA MOLIYa
    2018 yili moliyaviy ahvolingiz tobida bo‘ladi. Biroq yaqinlaringiz bu masalada jiddiy mushkulotlarga duch kelishlari mumkin. Demak, ularga yil mobaynida moddiy jihatdan ko‘mak berib turishingizga to‘g‘ri keladi. Xarajatlarni aql bilan amalga oshira bilsangiz, 2018 yili qarzga botmaysiz, kissangiz bo‘shab ham qolmaydi.
    Ishda rahbarlar bilan bo‘lar-bo‘lmasga bahslashavermasangiz, martabangiz oshishi kafolatlanadi. Aksi bo‘lsa, martabadan ham, mukofotdan ham umidni uzib qo‘ya qolsangiz bo‘ladi.

    Manba: Hordiq.uz

    » » Munajjimlar bashorati: 2018 yilda Qovg‘a burji vakillarini nimalar kutmoqda?