Miya ishlashini yaxshilashning oddiy usuli topildi

AQShning Pensilvaniya shtati universiteti olimlari tarkibida temir moddasi ko‘p miqdorda bo‘lgan oziq-ovqat mahsulotlari diqqat va xotirani yaxshilashga ko‘mak berishini aniqlashdi.

Mutaxassislar bunday fikrga mineral qo‘shimchalari bor tariqni iste’mol qilgan hind o‘smirlari ishtirokidagi tadqiqot natijalari asosida kelishdi.

Temir yetishmasligi dunyoda eng keng tarqalgan mineral moddalar defitsiti, temir yetishmasligi xafaqonligi bolalar va kattalar o‘rtasidagi mehnatga layoqatsizlikning asosiy sababi hisoblanadi. Shu bilan birga fanga temir bolalar va o‘smirlarning aqliy qobiliyatlariga qanday ta’sir qilishi kam ma’lum.

Tajribada Maxarashtra shtatida yashovchi va bir maktabga qatnovchi, kam ta’minlangan oilalardan 12-16 yoshdagi 140 bola ishtirok etgan. Ular ikki guruhga bo‘lingan: bir guruhdagi bolalar oddiy, boshqa guruhdagi bolalar esa tarkibida temir bor tariq iste’mol qilishgan. 6 oydan keyin 2-guruhdagi bolalar organizmidagi temir miqdori oshgan va bu bolalar diqqat va xotirani tekshirishga mo‘ljallangan mashqlarni yaxshiroq bajara boshlashgan.
“Zamin” yangiliklarini “Facebook”da kuzatib boring