Dollar bahosi tushayotganda sarmoyangizni qanday saqlamoqchisiz? Chorva va agrobiznesga tikasizmi? Uy olib qoʻygan maʼqulmi? Qishga kirish oldidan katta hajmda qurilish materiallari yoki sabzavotlar bosib qoʻyasizmi? Bundan tavakkallar yoqmasa, shunchaki tillaga aylantirib qoʻyishga nima deysiz, boyota? Keling, shu xususda omadli biznesmen doʻstimning maslahatini tinglang.
Men kreditga mashina olib, yutganlardanman. Yiliga 20 foiz.
Agar GM Uzbekistan shu monopoliyasini ushlab tura olsa, kreditga mashina olib faqat yutasiz.
Chunki, mashina narxi yilda ikki martadan oshib tursa, kreditning uch yillik muddati tugaguncha, 6 marta oshadi va uch yil ezib mingan mashinangizni yana foyda bilan sota olasiz.
Toʻlagan foizlaringiz, mashinaning taniga qoʻshilib ketadi. Aniq fakt.
Men toʻlov qilganimda “Jentra” 47 mln boʻlgan. Shundan 51 foizini toʻlov qilganman, qolgan 49 foizini bank. 23 mln kredit bergan ular.
“Jentra”m chiqqunicha boʻlgan 3 oylik muddatda mashina narxi oshib 63 mln boʻlib qolgan. Oshgan qismini naqdda toʻladim.
Kredit boʻlgani uchun qilinadigan chiqimlarim.
- Asosiysi sugʻurta uch yillik 2 foiz: 3 yilga 4 mln atrofida (havoga uchadi bu pul)
- Uch yillik kredit foizi: 13 mln atrofida.
- Va yana bir ikkita chiqim: 1 mln.
Jami 18 mln chiqim.
Mashina narxi 63 mln edi. Yana 18 mln chiqimni qoʻshsak, 81 mln boʻladi.
Kredit muddati tugadi. Ayni damda mashinamni 10500 dollarga sota olaman. Bu 81 mln 400 ming degani.
Xoʻsh, shunda ham kreditga mashina olish ziyonmi. Aslo!
Mashina pulni saqlash vositasi. Maza qilib uch yil minganing teppa-tekinga tushib turibdi.
Agar GM Uzbekistan shu monopoliyasini ushlab tursa, kreditga mashina olib faqat yutasiz. Ishonavering.
Usta Boqi
“Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
O‘zbekistonda o‘tgan uch oyda qancha avtomobil ishlab chiqarilgan?
Futzal. Osiyo Kubogi. Tojikiston Yaponiyani guruhda qoldirdi
Vladimir Putin «Krokus»da sodir etilgan terakt uchun o‘ch olishga chaqirdi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Amerikalik olimlar barcha uchun birdek foydali jismoniy faollik turini aniqladi
Toshkentda 02 kodli avtoraqamlar taxminan qachon paydo bo‘lishi aytildi
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi