Bemorlar uchun psixologdan 7 ta tavsiya

  • 6-11-2018, 16:43
  • 894
  • Hayot tarzi
  • Bemorlar uchun psixologdan 7 ta tavsiya
    1. Hayotingizdagi har bir murakkab vaziyatga bu vaqtinchalik deb qarang. Tushkunlik sizni o‘z domiga tortishiga yo‘l qo‘ymang. Ana shunda murakkab vaziyatdan chiqib ketishingiz oson bo‘ladi.

    2. Xastalik bezovta qilayotgan mahal umidsizlikka berilmang. Toki yuragingiz urib turgan ekan, demak, yashashga, yashaganda ham chiroyli yashashga umid bor! Shu haqiqatni unutmang! Xunuk o‘ylar bostirib kelsa, darrov o‘zingizni chalg‘iting-da, o‘rnini ijobiy fikru xayollar bilan to‘ldiring.

    3. Imkon qadar ko‘proq harakatda bo‘lishga intiling. Sport bilan shug‘ullanolmagan taqdiringizda ham piyoda ko‘proq yuring. Organizmda qon aylanishi yaxshilansa, kayfiyat ko‘tariladi, demak, sog‘liq tez tiklanadi.

    4. Toza havodan to‘yib-to‘yib, chuqur-chuqur nafas oling. Vujudingiz kislorodga to‘yinsa, ancha yengil tortasiz.

    5. Kitob o‘qing. Iloji bo‘lsa, psixologiyaga oid optimistik ruhdagi asarlarni mutolaa qilsangiz, irodangiz yanada mustahkamlanadi.

    6. Duoga qo‘l oching, Yaratgandan astoydil madad so‘rang. Bu ham o‘ziga xos meditatsiya, ya’ni kelajakka ishonch hissini uyg‘otuvchi sinalgan usul.

    7. Yomonlikni unuting, yaxshilikni esa hech qachon unutmang!

    Manba: Darakchi.uz

    » » Bemorlar uchun psixologdan 7 ta tavsiya