Oqil podshoh siyosati

  • 8-12-2018, 21:16
  • 1 308
  • Hayot tarzi
  • Oqil podshoh siyosati
    Bir kishi Abdulmalik ibn Marvon (umaviy xalifa, tobe’iynlardan) rohimahullohga bir kuni:

    – Sizga bir narsani xoli aytmoqchi edim, – dedi. Abulmalik atrofidagilarga qarab:

    – Istasangiz.. (bizni xoli qoldirishingiz mumkin), – dedi. Ular turib ketgach, haligi kishi endi gap boshlayman der ekan, xalifa uni:

    – To‘xta, – deb to‘xtatdi va unga dedi: – Meni maqtay ko‘rma, chunki o‘zimni sendan ko‘ra yaxshi taniyman. Yolg‘on gapira ko‘rma, chunki yolg‘onchining burdi bo‘lmas. G‘iybat qila ko‘rma.

    Buni eshitgan haligi odam:

    – Unda menga (ketishga) ruxsat bersangiz, – dedi...!

    – Mayli, istasang, – dedi xalifa..!
    Abul Abbos Mubarrid
    "Al Komil fillug‘a" kitobi, 1/65

    Manba: Azon.uz

    » » Oqil podshoh siyosati