— Sevgilimning fikricha, men ojiz emishman. Uning gaplari qalbimga qanchalik ogʻir botmasin, jimgina ketdim. Bilaman, hozir ichida vulqon boshlangan. Xayollari chuvalashib, iztirob chekmoqda. Shu sababli ham tiliga nima kelsa, gapiryapti.
Oʻrtamizdagi munosabat meni uzoq vaqt qiynadi. Aniqrogʻi, sevgimizga onam qarshilik qilaverishi, “Ikki dunyoda ham u qizni kelin qilmayman!” deganlari hiqildogʻimga kelgandi. Shu tufayli men undan voz kechdim! Ikki oʻt orasida qolishga ortiq bardosh qila olmadim. Mening bu harakatim muhabbat yoʻlida ortga chekinish emas, balki ona roziligi uchun qurbonlik qilish edi. Axir men ham tosh emasmanki, sevgilimni yoʻqotib oʻzim hech narsa sodir boʻlmaganday jimgina yursam…
Men uni juda sogʻinyapman. Ehtimol, undanda-da ziyod qiynalyapman. Koʻngil ishi oson emas. Ayniqsa, yigit sevsa-yu, yetisha olmasa butun umr oʻsha yorini qumsab oʻtadi, deb eshitganman. Qizlar esa koʻnikuvchan.
Baʼzan keyingi hayot yoʻllarimni tasavvur qilib koʻraman. Yonimda men sevmagan, onam olib bergan qiz. Unga mutlaq koʻnglim yoʻq. Muhabbat deganlaridan uzoqda, faqat majburlikda oila qurish… Menga “Ojiz ekansan!” deyish, yuzimga tarsaki tushirish juda oson. Axir nima qilay?! Onamdan kechib, unga uylana olmasdim-ku! Yuragim hamon uni qumsaydi. Lekin ikkimiz uchun ham bir-birimizni tezroq unutib, yangi hayot qurishimiz maʼqulroq!..
ASRORBЕK, Buxoro
Manba: Hordiq.uz “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
«Real Madrid» ustozi Karlo Anchelotti kechagi g‘alabadan so‘ng nimalar dedi?
Erdo‘g‘on: «Isroil Gitlerdan ham o‘tib ketdi»
O‘zbekistonda zilzilaga tayyorgarlik kuchaytiriladi
Buxoro viloyatida «Neksiya-3» avtomashinasi buklanib qoldi
Biznes imkoniyatingizni kengaytiring
Sirdaryoda budjetga juda ko‘p miqdorda zarar yetkazgan mayning ferma aniqlandi
Qondagi shakar miqdorini tartibga soluvchi foydali meva nomi aytildi
Xotirani yaxshilashning juda oddiy usuli topildi
