Men o‘tsam...

  • 14 sentyabr 2019, 21:56
  • 1 645
  • Hayot tarzi
  • Men o‘tsam...
    Men o‘tsam,
    Hech narsa qolmas o‘zgarib,
    Yana shu maromda oqadi hayot.
    Bog‘ aro har kuni meni axtarib,
    Sabolar shivirlab so‘zlamas bayot.

    Men o‘tsam,
    Sog‘inib yig‘laguvchi yo‘q,
    Do‘st-yorlar uch kunda qo‘yar unutib.
    Meni bir umrga kuydirolgan cho‘g‘,
    Kimningdir ko‘ksida turmaydi yonib.

    Men o‘tsam,
    Nogahon yodiga tushsam,
    Hech kimsa sog‘inib yurmaydi yig‘lab.
    Ammo norasida go‘daklarimning
    Ko‘zchalari qolsa kerak jovdirab.

    Men o‘tsam,
    Ahyonda, balki, bilganlar
    Savob, deb haqqimga qilar tilovat.
    Afsuski, g‘ussamni juda ko‘p tortgan
    Onamga qiyinroq bo‘ladi faqat.

    Men o‘tsam,
    Qirg‘oqqa yozilgan so‘zdek,
    Nomimni bu yillar ketadi yuvib.
    Robbim, taqdir qilki unutganlarni,
    O‘zim jannatingda olayin kutib...

    Men o‘tsam,
    Hammasi ketar o‘zgarib...
    Ummu Amina

    Manba: Azon.uz

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Men o‘tsam...