Foto: «Hotgeo»
Odamlarning miyasiga kuzda har qanday kishi albatta shamollab qoladi, yozda esa meva-sabzavotlardan infeksiya yuqtirib olish oson degan fikr o‘rnashib qolgan. Biroq ayrim odatlardan voz kechib, ko‘pgina kasalliklarning oldini olish xayolga ham kelmaydi, deb yozadi «Xabar.uz».
Odam jamoat transportidan foydalanganda beixtiyor kafti bilan tutqich, suyanchiqdagi mikroblarni to‘playdi. Shundan so‘ng u shu qo‘li bilan yuzini, og‘zini ushlaydi. Toza qo‘l qoidasi bolalikdan barchaga uqtirib kelinsa-da, uni hamma ham bajaravermaydi.
Shuni ta’kidlash kerakki, metro vagonlari, avtobuslar har kuni tozalansa-da, mikroblarni yuqtirib olish ehtimoli baribir yuqori bo‘lib qolaveradi.
Bu jamoat hojatxonalari, bankomatlar, katta-katta idoralardagi eshiklarga ham taalluqli. Qo‘ldagi mikroblar sonini kamaytirish uchun ularni tez-tez yuvib turish kerak.
Shuningdek, havo-tomchi yo‘li orqali tarqaluvchi kasalliklarni ham e’tiborsiz qoldirish yaramaydi. Ishxonada hamkasbingiz shamollaganidan shikoyat qilsa, undan kasallikning yuqish xavfi yuqoriligini unutmaslik zarur. Ammo bu hamkasb bilan gaplashmaslik kerakligini anglatmaydi.
Faqat sal uzoqlashsangiz va muloqotdan so‘ng qo‘llarni yuvsangiz bas. Shifokorlar shunchaki oqar suvga qo‘llarni tutib turish kifoya qilmasligini, chunki mikroblarning bir qismi terida qolib ketishini ta’kidlashadi.
Qo‘lni yaxshilab yuvib, so‘ng chayish talab etiladi. Bakteriyalardan to‘liq qutulish uchun qo‘l yuvishga kamida yigirma soniya vaqt ajratish kerak.
Britaniyalik olimlarning ta’kidlashicha, odam soatiga 16 marta yuzini: qanshar, lab, burnini ushlaydi. Bunday vaziyatda viruslar qo‘ldan og‘iz va burun shilliq qavatlariga o‘tib ketadi. Shu bilan birga, yuzni ushlayverish terini yog‘lantirib yuboradi.
Kasallik yuqtirib olmayin desangiz, qo‘llarni yuzga kamroq olib boring. Bemor aksirganda og‘zini qo‘li bilan yopish tavsiya etilmaydi. Chunki bakteriyalar kaftlarga o‘rnashib olib, so‘ngra og‘izga tushishi mumkin. Bundan tashqari, kaftlarda yuqumli mikroblar bo‘lganda ular umumiy foydalanish buyumlari orqali boshqa odamlarga tarqaladi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Sariqmi yoki yashil: qaysi turdagi banan foydaliroq?
Toshkentda 02 kodli avtoraqamlar taxminan qachon paydo bo‘lishi aytildi
Eron prezidenti jiddiy bayonot berdi: «Isroildan hech narsa qolmaydi»
Germaniyada maktab o‘quvchilari ommaviy ravishda islom dinini qabul qilmoqda
Germaniyaning Knauf kompaniyasi Rossiyadan butunlay chiqib ketishini tasdiqladi
Qaysi kundalik odatlar immunitet pasayishiga olib kelishini bilasizmi?
