O‘g‘rining qizi

  • 22 dekabr 2019, 12:12
  • 2 306
  • Hayot tarzi
  • O‘g‘rining qizi
    Bir ota qizi bilan birga safar qilayotgan edi. Ular bir uzum bog‘i yonidan o‘tayotganlarida, otaning qalbida ochko‘zlik uyg‘ondi va biroz uzum yeyishni xohlab qoldi.
    Shunday qilib, u qizini bir joyga turgizib qo‘yib: “Qizim! Sen shu yerda turib, uyoq buyoqqa qarab tur. Agar birov kela boshlasa, darhol xabar ber” dedi.

    U uzum uzish uchun ketib, endigina uzum novdasi yoniga yetganida, qizi: “Otajon! Otajon! Bizni birov ko‘rib turibdi. Otajon! Otajon! Bizga birov qarab turibdi” deb baqira boshladi.
    Shunda ota qo‘rqib ortiga qochdi. Qizining yoniga kelib, uyoq buyoqqa qaradi. Hech kim yo‘q edi. “Qizim, kim qarab turibdi?” deb so‘radi ajablanib.
    Otajon! Agar biror banda ko‘rmayotgan bo‘lsa, u holda bandalarning Robbisi Alloh ta’olo ko‘rib turibdi” dedi qizi...

    Zulfiqor Ahmad Naqshbandiy "Xutbaate faqir" kitobidan
    Abdulqayyum Komil tarjimasi

    Manba: Azon.uz

    » » O‘g‘rining qizi