Alphabet xoldingi aksiyalarining bir donasi o‘z tarixida birinchi marta ming dollardan qimmatlashdi. Shunday qilib, tarkibiga Google kompaniyasi ham kiruvchi xoldingning bozor kapitallashuvi 690 mlrd dollardan ortdi, deb yozadi Kun.uz nashri.
Nyu Yorkning NASDAQ birjasida Alphabet aksiyasi deyarli bir foizga o‘sib, donasi 1005 dollarga etdi. 2017 yil boshidan beri kompaniya qimmatli qog‘ozlari narxi 25 foizdan ko‘pga qimmatlashdi. Bu o‘sish korporasiyaning asosiy daromad manbai – Google kompaniyasining reklamalardan tushayotgan daromadi ortishi bilan bog‘liq, deb yozadi Forbes.
2017 yil birinchi choragi yakunlariga ko‘ra, kompaniyaning reklamadan ko‘rgan daromadi yildan-yilga nisbatda 19 foizga o‘sgan va 21,4 mlrd dollarni tashkil etgan. Bundan tashqari, boshqa yo‘nalishlar, xususan, Waymo muqobil avtomobillar tizimi, Android platformasi va YouTube videoxosting xizmati daromadlari ham oshgan.
Alphabet xoldingi kapitallashuvi bo‘yicha birgina Apple kompaniyasiga imkoniyatni boy bermoqda. Tishlangan olmali kompaniyaning bu boradagi ko‘rsatkichi 802 mlrd dollardan oshadi.
Fortune nashrining qayd etishicha, Google aksiyalarining narxi birinchi marta 1000 dollardan qimmatlashgani yo‘q. 2014 yili kompaniya aksiyasi 1200 dollargacha ham ko‘tarilgan edi. Biroq, 2015 yil avgustida Alphabet xoldingi tashkil etilganidan beri ilk marotaba aksiyalar 1000 dollarlik ko‘rsatkichdan oshgan.
Forbes jurnaliga ko‘ra, Google kompaniyasi asoschilaridan har biri — Larri Peyj va Sergey Brinning boyligi 5 iyun kuni 360 mln dollarga ko‘paydi. Peyj va Brin Forbes tasnifi bo‘yicha dunyoning eng badavlat insonlari ro‘yxatida 12-13 o‘rinlarni egallab turibdi. Jurnal ularning boyligini 47 mlrd va 46 mlrd dollar deb baholmoqda. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Sariqmi yoki yashil: qaysi turdagi banan foydaliroq?
Germaniyada maktab o‘quvchilari ommaviy ravishda islom dinini qabul qilmoqda
Qaysi kundalik odatlar immunitet pasayishiga olib kelishini bilasizmi?
Vladimir Putin «Krokus»da sodir etilgan terakt uchun o‘ch olishga chaqirdi
Eron prezidenti jiddiy bayonot berdi: «Isroildan hech narsa qolmaydi»
Amerikalik olimlar barcha uchun birdek foydali jismoniy faollik turini aniqladi
Toshkentda 02 kodli avtoraqamlar taxminan qachon paydo bo‘lishi aytildi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi