2015 yilning 1-yarim yilligida Rossiyadan O‘zbekistonga pul o‘tkazmalari hajmi 56 foizga qisqargan

  • 07 sentyabr 2015, 22:13
  • 6 435
  • Iqtisodiyot
  • 2015 yilning 1-yarim yilligida Rossiyadan O‘zbekistonga pul o‘tkazmalari hajmi 56 foizga qisqargan

    O‘zbekiston va Rossiya o‘rtasidagi pul o‘tkazmalari hajmi 2015 yilning ikkinchi choragida 784 mln dollarni tashkil etdi. Bu esa 2014 yilning shu holatiga nisbatan 56,13 foiz pasayish demakdir. Bu haqda Rossiya Markaziy banki ma’lumotlariga tayanib Kun.uz xabar berdi.

    Rossiya Markaziy banki ma’lumotlariga ko‘ra, 2015 yilning ikkinchi choragida Rossiyadan O‘zbekistonga jami 686 mln dollar miqdoridagi mablag‘ jo‘natilgan (bu o‘tgan yilning shu davriga nisbatan 57,92 foiz past). O‘z navbatida bu vaqt ichida O‘zbekistondan Rossiyaga jami 98 mln dollar yuborilgan (bu o‘tgan yilning shu davriga nisbatan 37,58 foiz kam).

    Ma’lumot uchun, 2015 yilning dastlabki 6 oyida Rossiyadan O‘zbekistonga jami 1,149 mlrd dollarlik pul o‘tkazmalari amalga oshirilgan. Bu esa 2014 yilning birinchi yarimyilligi bilan solishtirganda 2,21 barobar kamroqni ko‘rsatadi.

    Birinchi yarimyillikda O‘zbekistondan Rossiyaga pul jo‘natmalari 15,31 foizga kamaygan - 249 mln dollar.

    Qayd etish kerakki, Rossiya hududida ayni vaqtda 2 mln nafardan ortiq O‘zbekiston fuqarosi ishlamoqda.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » 2015 yilning 1-yarim yilligida Rossiyadan O‘zbekistonga pul o‘tkazmalari hajmi 56 foizga qisqargan