4 987
Amerikada «O‘zbekiston» va «Farg‘ona» brendi ro‘yxatdan o‘tkazilib, mahsulotlarimiz «Amazon» internet-do‘konida sotiladi
Xalqaro to‘qimachilik ko‘rgazmasining O‘zbekiston bo‘lmasi
O‘zbekiston delegatsiyasi AQShning Nyu-York shahrida bo‘lib o‘tgan «TexWorld USA» nufuzli xalqaro to‘qimachilik ko‘rgazmasida ishtirok etdi. Bu haqida «Xalq so‘zi online» xabar berdi.
Ko‘rgazma yakunida O‘zbekistondan to‘qimachilik mahsulotlarini yetkazib berish bo‘yicha infratuzilma, jumladan, logistika va sug‘urta tizimini rivojlantirish bo‘yicha hamkorlik aloqalari yo‘lga qo‘yildi.
O‘z navbatida, o‘zbek tovarlarini onlayn savdo tizimlari, jumladan, dunyoning eng yirik internet-do‘koni — «Amazon» tarmog‘ida sotish, ularni pochta orqali AQShga yuborish yo‘llari ishlab chiqildi. Ayni chog‘da Amerikada «Farg‘ona» brendi ro‘yxatdan o‘tkazilib, yana bir savdo belgisi hisoblangan «O‘zbekiston» ilgari surilayapti.
Bundan tashqari, Nyu-Yorkdagi «O‘ztreyd» savdo uyi imkoniyatlaridan foydalangan holda mamlakatimizda ishlab chiqarilgan tekstil mahsulotlarini katta miqdorda okean orti bozorlariga yetkazib berish bo‘yicha kelishuvlarga erishildi. «O‘zbekengilsanoat» davlat uyushmasi bilan to‘qimachilik sohasi uchun asbob-uskunalar ishlab chiqaruvchi yirik kompaniyalar o‘rtasida o‘zaro anglashuv memorandumlari imzolangan.
Amerika bozorida tovarlarni ilgari surish bo‘yicha mutaxassis K.Kangalning aytishicha, «o‘zbek ishlab chiqaruvchilari mazkur industriyaga yangi standartlarni olib kirish va u yerdagi an’anaviy ishtirokchilarga narx bo‘yicha raqobat paydo qilishga tayyor». U O‘zbekistondagi «Nil Granit» kompaniyasi amerikalik brokerlar bilan oyida 100 ming dona tekstil mahsulotini yetkazib berish bo‘yicha shartnoma imzolangani haqida ham aytib o‘tdi.
Qayd etilishicha, ko‘rgazmaning O‘zbekiston bo‘lmasi dunyoning turli mamlakatlaridan kelgan mutaxassislarda katta qiziqish uyg‘otgan. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Sariqmi yoki yashil: qaysi turdagi banan foydaliroq?
Germaniyada maktab o‘quvchilari ommaviy ravishda islom dinini qabul qilmoqda
Ortiqcha vaznli insonlar uchun sog‘lom ovqatlanishning beshta muhim qoidasi
Eron prezidenti jiddiy bayonot berdi: «Isroildan hech narsa qolmaydi»
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Qaysi kundalik odatlar immunitet pasayishiga olib kelishini bilasizmi?
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Toshkentda 02 kodli avtoraqamlar taxminan qachon paydo bo‘lishi aytildi