Fransiyaga tashrif doirasida 4 mlrd. yevrolik shartnomalar imzolanadi

  • 8-10-2018, 07:31
  • 538
  • Iqtisodiyot
  • Fransiyaga tashrif doirasida 4 mlrd. yevrolik shartnomalar imzolanadi
    Shavkat Mirziyoyevning Fransiyaga tashrifi chogʻida umumiy qiymati 4 mlrd yevrolik shartnomalar imzolanishi kerak. Bu haqda “Turon24” xabar berdi.

    “Iqtisodiy aloqalar haqida gapirsak, albatta, bu prezident Mirziyoyev 8-9 oktyabr kunlari Parijga kelganida maʼlum boʻladi. 4 milliard yevro qiymatga ega shartnomalar imzolanishi kerak. Bularning katta qismi energetika sohasiga — Orano (sobiq Areva) kompaniyasi bilan hamkorlik qilish va sizning mamlakatingizda atom elektrostansiyasi qurilishi ehtimoliga bogʻliq. Bu kutilayotgan shartnomalardan biri”, deydi Dyupyui.

    Uning aytishicha, Orano – uranni qazib chiqarishga ixtisoslashgan davlat kompaniyasi boʻlib, yaqinda oʻtkazilgan izlanish va hisob-kitoblarga koʻra, Oʻzbekistonda 230 ming tonna uran borligi aniqlangan.

    Eslatib oʻtamiz, Oʻzbekiston Respublikasi Prezidenti Shavkat Mirziyoyev Fransiya Respublikasi Prezidenti Emmanuel Makronning taklifiga binoan bugundan eʼtiboran 8-9 oktyabr kunlari rasmiy tashrif bilan Fransiyada boʻladi.

    » » Fransiyaga tashrif doirasida 4 mlrd. yevrolik shartnomalar imzolanadi