09:57 / 02.08.2019
3 620

O‘zbekiston iste’mol bozoridagi narxlar yana pasaydi

O‘zbekiston iste’mol bozoridagi narxlar yana pasaydi
Foto: Spot
2019 yilning iyun oyida iste’mol bozorida yil davomida birinchi marta umumiy narxlar darajasining pasayishi kuzatilib, oy davomidagi deflyatsiya ko‘rsatkichi 0,5 foizni tashkil qilgan edi, deb xabar berdi Spot.

Iyul oyida ham iste’mol bozorida o‘rtacha narxlar darajasining pasayishi qayd etilib, oy davomidagi deflyatsiya ko‘rsatkichi 0,4 foizni tashkil qildi.

Umumiy hisobda 2019 yilning yanvar iyul oylari davomida iste’mol bozoridagi tovarlar va xizmatlar narxi 5,2 foizga qimmatlashdi.

2018 yilning iyul oyiga nisbatan respublika iste’mol sektoridagi o‘rtacha narxlar darajasi 13,5 foizga ko‘tarilgan.

2019 yilning iyunidan boshlab oy davomida umumiy iste’mol narxlari darajasining pasayishi asosan mavsumiy tendensiyalar va ommaviy ravishda meva-sabzavot mahsulotlari narxlarining pasayishi bilan bog‘liq bo‘ldi.

Iyul oyi natijalari bo‘yicha tovarlar narxlari 0,6 foizga, jumladan, oziq-ovqat mahsulotlari 1,3 foizga pasaydi. Nooziq-ovqat mahsulotlari narxlari oy davomida 0,4 foiz, xizmatlar esa 0,2 foizga qimmatlashdi.

Yil davomida oziq-ovqat mahsulotlari narxlari 4,6 foiz, nooziq-ovqat mahsulotlari 5,7 foiz, xizmatlar 5,6 foizga qimmatlashdi.

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Iqtisodiyot » O‘zbekiston iste’mol bozoridagi narxlar yana pasaydi