O‘zbekiston 2020 yildan boshlab paxta xom ashyosi eksportini to‘xtatadi

  • 09 oktyabr 2019, 16:02
  • 955
  • Iqtisodiyot
  • O‘zbekiston 2020 yildan boshlab paxta xom ashyosi eksportini to‘xtatadi
    Foto: Nikkei Asian Review
    O‘zbekiston 2020 yildan boshlab paxta xom ashyosini xorijiy davlatlarga eksport qilishni to‘xtatadi. Bu haqda mamlakat investitsiyalar va tashqi savdo vaziri Sardor Umurzoqov Yaponiyaning Nikkei Asian Review nashriga bergan intervyusida aytib o‘tdi.

    Vazirning so‘zlariga ko‘ra, O‘zbekiston butun hosilni mamlakatda ichida qayta ishlab, chet elga yuqori qo‘shimcha qiymatga ega mahsulotlar - to‘qimachilik mollarini yetkazib beradi.

    Sardor Umurzoqovning xabar qilishicha, paxtani AQSh va Xitoyga eksport qilish rejalashtirilmoqda. Prognozlarga ko‘ra, bu yil O‘zbekiston to‘qimachilik mahsulotlari eksporti 2 milliard dollarga, 2025 yilda esa 8 milliard dollarga yetadi.

    Nikkei Asian Review nashri Fransiyaning IFRI tadqiqot instituti ma’lumotlarini e’lon qildi, unga ko‘ra 2018 yilda Xitoy 786ta o‘zbekiston kompaniyasiga, Yaponiya esa atigi 17ta kompaniyaga sarmoya kiritgan.

    So‘nggi yillarda O‘zbekiston chet elga paxta tolasi yetkazib berishni asta-sekin kamaytirmoqda. Statistikaga ko‘ra, 2010 yilda O‘zbekiston 1,5 milliard dollarlik paxta tolasi eksport qilgan. 2015 yilda bu raqam 736 million dollarni, 2018 yilda esa 222 million dollarni tashkil etdi.

    O‘zbekistonda yiliga 1,2 million tonna paxta tolasi ishlab chiqariladi.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » O‘zbekiston 2020 yildan boshlab paxta xom ashyosi eksportini to‘xtatadi