Kanadalik entomolog kapalaklarning yangi turini aniqladi hamda unga Donald Tramp nomini berdi. Bunga hasharot rangi va boshidagi “soch turmagi” AQShning saylangan prezidentiga juda ham o‘xshab ketishi sabab bo‘ldi, deyiladi ZooKeys jurnalida e’lon qilingan maqolada.
Bu jonivorlarga taniqli insonlarning nomini berish bilan bog‘liq bo‘lgan birinchi holat emas - o‘tgan yili tropik baliqlarning yangi turi Barak Obama sharafiga nomlangan bo‘lsa, parazitar arining noyob turi Bred Pitt nomini olgandi.
Ottavada istiqomat qiluvchi Vazrik Nazari esa janubiy Kaliforniyadagi Santa-Katalina orolida yashovchi kapalaklarning yangi turiga Donald Tramp nomini berdi.
Bu hasharot - Neopalpa donaldtrumpi, o‘yiq qanotli kuyalar turiga kirib, faqatgina Shimoliy Amerikada yashaydi. Neopalpa donaldtrumpi yorqin sariq rangda bo‘lib, uni daraxtlar tanasi va toshlar orasida osonlik bilan payqash mumkin.
Vazarining ta’kidlashicha, aslida Neopalpa donaldtrumpi 1984 yilda aniqlangan. O‘shanda amerikalik tabiatshunoslardan biri Santa-Kruz oroli flora va faunasini o‘rganish jarayonida bir necha “donaldtrampi”ni ushlab olgan hamda saqlab qo‘ygan. Besh yil avval kapalaklarning bir qismi genetiklar diqqatini tortdi va ular bu yangi turdagi hasharot ekanini aniqlashdi.
Olim bu kapalak Neopalpa turining kelib chiqishi va rivojlanishi tarixiga oydinlik kiritishda yordam berishidan umidvor. Bundan tashqari, u Donald Tramp va boshqa siyosatchilar e’tiborini Santa-Kruz oroli faunasini himoya qilish muammosiga qaratishni maqsad qilgan.
“Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Eron prezidenti jiddiy bayonot berdi: «Isroildan hech narsa qolmaydi»
Amerikalik olimlar barcha uchun birdek foydali jismoniy faollik turini aniqladi
Germaniyada maktab o‘quvchilari ommaviy ravishda islom dinini qabul qilmoqda
Rossiya dunyodagi birinchi vodorod yoqilg‘ili avtomobilni taqdim etdi
Vladimir Putin «Krokus»da sodir etilgan terakt uchun o‘ch olishga chaqirdi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Qaysi kundalik odatlar immunitet pasayishiga olib kelishini bilasizmi?
Sariqmi yoki yashil: qaysi turdagi banan foydaliroq?
