14:52 / 25.02.2017
8 295

Xotining ko‘chada yurgani – Xudoning jazosi

Xotining ko‘chada yurgani – Xudoning jazosi

Tatarlar – turkiy xalqlarning eng qadimiy bo‘g‘inidan. Ular nufus jihatdan kamchilikni tashkil qilsa-da, aqli o‘tkir, idroki teran va irodasi kuchli millat sifatida tasniflanadi. Bu jihat tatar xalq donishmandligining mahsuli bo‘lmish maqollarda ham o‘z aksini topgan.

Baxtni yo‘ldan izlama, bilimdan izla.

***

Do‘sting o‘zingdan yaxshiroq bo‘lsin.

***

Til aytganni quloq eshitar.

***

Daraxtni yaproq bezar, kishini hunar.

***

Olmos loyda ham — olmos.

***

Asalari bir chaqmay, asal ololmaysan.

***

Beg‘am yigit – eshakka do‘st.

***

Boyga ishonma, suvga suyanma.

***

Qumga suv sepsang bilinmaydi, qizingga berganing ko‘rinmaydi.

***

Aybdorga bir tayoq, chaqimchiga besh tayoq.

***

Aqchang bo‘lmasa ham vijdoning bo‘lsin.

***

Qimmatbaho tosh katta bo‘lmas.

***

Do‘stni xafa qilganing – dushmanni suyuntirganing.

***

Xotining chiroyli bo‘lsa, do‘stlaring so‘qir bo‘lsin.

***

Xotinning tili — laqqa cho‘g‘.

***

Kuyov keldi – xon keldi.

***

Mulla qizida ham qusur bor.

***

Tog‘ning ko‘rki – tosh, qizning ko‘rki — soch.

***

Har qopqonga o‘lja ilinmas.

***

Qirchang‘ini ming maqtama, ot bo‘lmaydi.

***

Xanjarning yuzi ikkita, yigitniki — bitta.

***

Yolg‘onning oyog‘i kalta.

***

Chumoliga shudring – to‘fon.

***

Kechuvni bilmay, suvga kirma.

***

Yakka daraxt o‘rmon bo‘lmas.

***

Qirg‘oqdagiga dengiz chiroyli ko‘rinadi, dengizdagiga esa qirg‘oq.

***

Daryo yaqinida quduq kavlamaydilar.

***

Otang dushmanini do‘st deb bilma.

***

Temirchining yo‘ldoshi – ko‘mirchi.

***

El tik tursa, sen ham tur.

***

Oting og‘ilda bo‘lgani – Xudoning inoyati,

Xotining ko‘chada yurgani – Xudoning jazosi.

XURShIDA tayyorladi.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Jamiyat » Xotining ko‘chada yurgani – Xudoning jazosi