Toshkentdagi yong‘in tafsilotlari oydinlashdi

  • 28 fevral 2017, 07:52
  • 5 938
  • Jamiyat
  • Toshkentdagi yong‘in tafsilotlari oydinlashdi

    Avvalroq, Toshkent shahri Yunusobod tumanidagi Biznes markazi binosining 8-qavatida yong‘in chiqqani haqida xabar bergan edik. Toshkent shahar ichki ishlar bosh boshqarmasi Yong‘in xavfsizligi boshqarmasi mazkur yong‘in bo‘yicha rasmiy bayonot berdi.

    Ma’lum qilinishicha, soat 17:30 da IIBB YoXB dispetcherlik xizmatiga Yunusobod tumani, Amir Temur ko‘chasi 25-uyda joylashgan ma’muriy binoda yong‘in bo‘layotgani haqida xabar kelib tushgan.

    Soat 17:31 da ko‘rsatilgan manzilga 4 ta asosiy yong‘in o‘chirish bo‘linmalari va 2 ta maxsus avtonarvon yo‘llanilgan.

    Yong‘in joyiga birinchi bo‘lib soat 17:34 da Yunusobod tumani yong‘indan muhofaza qiluvchi 18-HYoHQdan jangovar bo‘linmalaretib borgan vaqtda, biznes markazining 8-qavatidan qora tutun chiqayotgani ma’lum bo‘lgan.

    Jangovar bo‘linmalar tomonidan ko‘rilgan chora va tezkor harakatlar natijasida, yong‘in soat 17:50 da qurshab olinib, soat 17:54 da butunlay o‘chirilgan.

    Yong‘in oqibatida biznes markazining 8-qavatida joylashgan “Montaj qurilish xizmat” MChJga qarashli “Silver Water Gold Fish” MChJ tomonidan ijaraga olingan ofis xonasi, ichidagi jihozlari 20 kv metr maydonida hamda binoning 9-qavat deraza romi yong‘indan zarar ko‘rgan, deb yozadi Qalampir.uz.

    Yong‘inni o‘chirish vaqtida binodagi 18 nafar ishchi-xizmatchilar xavfsiz joyga olib chiqilib, yong‘indan zarar ko‘rmasligi ta’minlangan.

    Yong‘in sabablari va keltirilgan zarar miqdorlari aniqlanmoqda.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Toshkentdagi yong‘in tafsilotlari oydinlashdi