O‘zbekiston va Fransiya o‘rtasidagi aloqalar “25 yoshda”

  • 10 mart 2017, 23:38
  • 5 073
  • Jamiyat
  • O‘zbekiston va Fransiya o‘rtasidagi aloqalar “25 yoshda”

    Tabrikda “aloqalar o‘rnatilganining birinchi kunlaridanoq hamkorlikning barcha sohalarida – ham siyosiy, ham iqtisodiy va madaniy jabhalarda mustahkamlanganligini qayd etish bugun meni quvontiradi”, deyilgani xususida O‘zbekiston Respublikasi Tashqi ishlar vazirligi saytida xabar tarqatilmoqda.

    Fransua Olland o‘tgan davr mobaynida Fransiya va O‘zbekiston do‘stona munosabatlar o‘rnatishga erishganligini ta’kidladi.

    Fransiya Prezidenti “ishonch va o‘zaro hurmatga asoslangan mamlakatlarimiz o‘rtasida o‘rnatilgan sherikchilikning yuqori darajasi keyingi o‘n yilliklar davomida doimo rivojlanishi”ga umid bildirdi.

    O‘zbekiston Prezidenti Shavkat Mirziyoyev Prezident Fransua Olland nomiga yo‘llagan maktubida qayd etganidek, “Fransiya Respublikasining 1992-yil yanvar oyida O‘zbekiston mustaqilligini birinchilardan tan olgani, shuningdek, uning mustaqil rivojlanishi va suverenitetini qat’iy qo‘llab-quvvatlaganini biz alohida qadrlaymiz”.

    Davlatimiz rahbari “Fransiya bilan ikki va ko‘p tomonlama kun tartibning barcha masalalari bo‘yicha, avvalo siyosiy-diplomatik va madaniy-gumanitar sohalarda samarali va o‘zaro manfaatli hamkorlikni yanada rivojlantirish, shuningdek, savdo, investisiya va yuqori texnologiyalar, turizm, korxonalarimizda ilg‘or korporativ boshqaruv metodlarini kiritish jabhalarida aniq dasturlar va loyihalarni ilgari surishga O‘zbekiston sodiq” ekanligini tasdiqladi, deb yozadi “Qalampir” sayti.

    O‘zbekiston Prezidenti “O‘zbekiston-Fransiya munosabatlarini chuqurlashtirish va uning o‘zaro hurmat, tenglik va ishonch tamoyillariga asoslangan poydevorini mustahkamlashga qaratilgan qo‘shma faoliyatni bundan keyin ham davom ettirish”ga ishonch bildirdi.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » O‘zbekiston va Fransiya o‘rtasidagi aloqalar “25 yoshda”