Olimlar insonning biologik yoshini aniqlashni o‘rganib olishdi

  • 31 may 2017, 00:00
  • 5 912
  • Jamiyat
  • Olimlar insonning biologik yoshini aniqlashni o‘rganib olishdi
    Rossiyalik olimlar insonning biologik yoshini aniqlash bo‘yicha samarali usul o‘ylab topishdi. Masalan, yurak kasalliklari bu yoshga bir necha yil qo‘shar ekan. Ushbu tadqiqot tibbiyot xodimlariga qarishning oldini olishda asqotadi, deb xabar beradi Kun.uz nashri.

    Rossiyalik mutaxassislar odamning yurak-qontomir tizimi ko‘rsatkichlarini tahlil qilib, biologik yoshini aniqlashni o‘rganib olishdi. Me’yordagi va sog‘lom insonda bu yosh u yashagan yillar bilan mos tushadi, biroq ham tashqi, ham ichki zararli omillar ta’sirida raqamlar keskin farqlanishi ham mumkin ekan.

    Insonning haqiqiy biologik yoshini qanday aniqlash mumkin — tibbiyot xodimlarida shu paytgacha bu borada aniq bir to‘xtam yo‘q edi. Eng aniq usul — DNK ekspertizasi bo‘lsa-da, u ikkita kamchilikka ega edi: 3–4 yilgacha farq va tekshirish ishlarining o‘ta qimmatligi.

    «MISiS» tadqiqot texnologik milliy universiteti olimlari o‘zining yangi ixtirosi haqida shunday deyishgan:

    «Bizning tadqiqotimiz uyqu arteriyasining tonometriyasi va ultratovush tadqiqotiga asoslangan. Kompyuter yordamida shunday formula ishlab chiqdik-ki, u sog‘lom kishilarning biologik yoshini erkaklar uchun 7 yil, ayollar uchun 6 yil aniqlikda oldindan aytib bera oladi. Qon bosimi ko‘tarilib turadigan va qandli diabetga chalingan bemorlar ustida o‘tkazilgan sinovlarning ko‘rsatishicha, bunday dardga chalingan bemorlarning biologik yoshi haqiqiy yoshidan 3 yilga ko‘proq ekan».

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Olimlar insonning biologik yoshini aniqlashni o‘rganib olishdi