15:34 / 14.07.2017
19 559

Tarvuz ko‘z va miya uchun foydali

Tarvuz ko‘z va miya uchun foydali
Tarvuz nafaqat chanqoqbosdi poliz ekini, balki salomatlik uchun o‘ta shifobaxsh bo‘lgan darmondori hamdir. Ayniqsa, tarvuzning qip-qizil mag‘zi ko‘pgina foydali xususiyatlarga ega. Demak, bugun sizga tarvuzning ana shu xususiyatlari haqida ma’lumot bermoqchimiz.

ShARBATI BO‘G‘IMLARDAGI OG‘RIQNI QOLDIRADI

Tarvuz aminokislotalar oilasiga kiruvchi, bo‘g‘imlardagi og‘riqni qoldiruvchi L-sitrullin moddasiga boyligi bilan boshqa poliz ekinlaridan ajralib turadi. Xuddi ana shu sabab tarvuz sportchilar uchun ham foydali.
Agar siz jismoniy chiniqishni maqsad qilib, sport bilan shug‘ullanayotgan bo‘lsangiz, bo‘g‘imlaringizda achchiq og‘riqlar kuzatilishi tabiiy. Ana shu og‘riqni qoldirish uchun esa mashg‘ulotlardan oldin bir piyola tarvuz sharbatini iching. Bu ham og‘riqni qoldiradi, ham chanqoqni bosadi.

TARKIBIDA QAND MODDASI SEROB!

Pishib etilgan tarvuz 5 foizdan 13 foizgacha yengil hazm bo‘luvchi qand moddalariga ega. Tarvuzning pishib etilishi davomida mag‘zida fruktoza va glyukoza moddalari ajraladi. Saxaroza moddasi tarvuz palagidan uzilgandan so‘ng paydo bo‘ladi. Shu sababli qandli diabeti bor kishilarga yangi uzilgan tarvuzni oz-oz miqdorda iste’mol qilish tavsiya etiladi. Chunki tarvuz qachon palakdan uzilganini aniqlash qiyin.

URUG‘I ShAMOLLAShNI OLADI
Tarvuz urug‘i shamollashning oldini olish xosiyatiga ega. Ayniqsa, harorat ko‘tarilishidan aziyat chekayotgan bemorga 1 stakan chaqilgan tarvuz urug‘idan tayyorlangan damlamani dokadan sizdirib bersangiz, uning ichki va tashqi harorati o‘sha zahotiyoq pasayadi.
Shuning bilan birga, quritilgan tarvuz urug‘ini tez-tez eb tursangiz, u teri holatini yaxshilaydi, negaki uning tarkibida temir, rux, oqsil va biriktiruvchi to‘qimalar bor.
Tarvuzning tarkibi deyarli suvdan iborat, ya’ni unda jami 91 foiz suv mavjud. Shu sababdan ham tarvuz eng kam kaloriyali poliz mahsulotlaridan biridir.
Tarvuzning 100 gramida atigi 38 kaloriya bor.

ORGANIZMDAN XILTLARNI ChIQARIB YuBORADI
Tarvuz insonda hazm qilish jarayonini yaxshilaydi, yurak-qon tomir sistemasi faoliyatiga ijobiy ta’sir ko‘rsatadi, jigar va buyraklarni tozalaydi, shuningdek, organizm­dan xolesterin moddasini chiqarib yuborishga zamin hozirlaydi. Shuning uchun organizmida muntazam tosh hosil bo‘luvchi kishilarga tarvuz iste’mol qilish tavsiya etiladi.
Kuniga 2-3 kg tarvuz iste’mol qilish organizmni barcha xiltlardan osongina xalos etadi.

KO‘Z VA MIYa UChUN FOYDALI

Tarvuz iste’mol qilish ko‘rish va aqliy qobiliyatni yaxshilaydi. Olimlar o‘tkazgan tadqiqotlari natijasida shunday xulosaga kelishdi. Bu tadqiqotlar tarvuzning mag‘zi A va V6 vitaminlariga boyligini ko‘rsatdi. A vitamini ko‘rish qobiliyatini yaxshilaydi, V6 vitamini esa xotirani mustahkamlab, fikrlash qobiliyati tezligini oshiradi.
Tarvuz organizmni ultrabinafsha nurlardan himoya qiladi. Shuningdek, tarvuzdagi likopin deb ataluvchi modda kuchli antioksidant xossalarga ega bo‘lganidan quyosh nurlarining insonga ayovsiz salbiy ta’siriga qarshilik ko‘rsata oladi.

BILASIZMI?
Tarvuz organizm uchun eng xavfsiz mahsulot sanaladi. Tarvuzning qalin po‘stlog‘i meva ichiga atmosferadan turli zararli moddalarning kirishiga qarshilik qiladi. Lekin, ayniqsa, keyingi yillarda tarvuzning nitrat moddalar yordamida etishtirilgan hosili ko‘paydi. Bu esa salomatlik uchun xavfli. Ammo siz xavotir olmang, chunki tarvuzning qanday etishtirilganini tekshirish juda oson.

Buning uchun tarvuzdan bir bo‘lak kesib, suvga soling. Agar 1-1,5 soat o‘tgach, suv loyqalanganga o‘xshash tus olsa, bu tarvuz zararli dorilarsiz etishtirilgan va uni eyish mumkin. Agar suvning rangi yaltiroq tiniq qizg‘ish, qizil yoki qo‘ng‘ir tus olsa, bunday tarvuzni tanovul qilmang, chunki u endi darmondori emas, zaharning o‘zginasidir.

Zulfizar ISOQOVA tayyorladi.

Manba: Hordiq.uz

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Jamiyat » Tarvuz ko‘z va miya uchun foydali