17:15 / 27.07.2017
7 554

Olmazor tumanida yirik yong‘in yuz berdi

Olmazor tumanida yirik yong‘in yuz berdi
27 iyul kuni Olmazor tumani Bayroqtol ko‘chasi 102-uyda joylashgan "12-sonli Trest" MChJ Xo‘jalik hisobidagi mexanizasiyalashtirish boshqarmasining yoqilg‘i-moy mahsulotlarini saqlash shaxobchasida yong‘in kelib chiqqan, deb yozmoqda UZ24 sayti.

Toshkent shahar IIBB YoXBdan UZ24 ga ma’lum qilinishicha, hodisa haqida soat 10:31 da Markaziy dispetcherlik xizmatiga xabar kelib tushgan. Ko‘rsatilgan manzil bo‘yicha soat 10:32 da 8 ta asosiy va 2 ta maxsus jangovor yong‘in o‘chirish bo‘linmalari etib kelgan. Tezkor harakatlar natijasida yong‘in yarim soat ichida to‘liq bartaraf qilingan.

Hodisa oqibatida 2 ta rezervuarlarda dizel yoqilg‘isi hamda 1 ta konteynerli avtomobillarga yoqilg‘i quyish stansiyasida AI-80 markali benzin yoqilg‘isi yongan.

Taxminlarga ko‘ra, yong‘in shaxobchadagi olovli-payvandlash ishlarini olib borishda yong‘in xavfsizligi qoidalari buzilishi natijasida sodir bo‘lgan. Alanga AYoQShdagi boshqa rezervuarlar va qo‘shni binolarga o‘tmagan.

Jabrlanganlar haqida ma’lumotlar yo‘q.

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Jamiyat » Olmazor tumanida yirik yong‘in yuz berdi