13:31 / 17.08.2017
8 677

Toshkentda Islom Karimov haykali o‘rnatildi (Foto)

Toshkentda Islom Karimov haykali o‘rnatildi (Foto)
Toshkentdagi haykal Islom Karimov faoliyat olib borgan asosiy ish qarorgohi — Oqsaroy oldiga o‘rnatildi. Ayni vaqtda hududni obodonlashtirish ishlari davom etmoqda.

Haykal muallifi Ilhom Jabborov. U O‘zbekistonning Birinchi Prezidenti Islom Karimov haykalini yaratish bo‘yicha xalqaro tanlovda g‘olib chiqqan. Tanlovda O‘zbekiston, Turkmaniston, Ukraina, Janubiy Koreya, Italiya, Avstraliya va Germaniyadan 58 nafar haykaltarosh ishtirok etgan, jami 68 ta loyiha taqdim etilgani haqida Kun.uz ma’lumot bermoqda.

Jabborov Toshkentdagi Mustaqillik maydoniga o‘rnatilgan Mustaqillik va ezgulik monumenti hamda poytaxt markazidagi Amir Temur haykali muallifi hisoblanadi.

Bundan oldinroq Samarqand shahrida Islom Karimov haykali o‘rnatilgani haqida xabar berilgandi.
Tez orada uchinchi haykal Qashqadaryo viloyati markazi Qarshi shahrida o‘rnatiladi.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Jamiyat » Toshkentda Islom Karimov haykali o‘rnatildi (Foto)