Shavkat Mirziyoyev 17 avgust kuni «Tadbirkorlik faoliyatini rivojlantirishni qo‘llab-quvvatlash davlat jamg‘armasini tashkil etish to‘g‘risida»gi qarorni imzoladi. Hujjat matni O‘zAda keltirildi.
Davlat muassasasi shaklida tashkil etilgan jamg‘armaning kichik tadbirkorlik sub’ektlariga quyidagi shaklda moliyaviy yordam ko‘rsatish asosiy vazifasi etib belgilandi:
a) kichik tadbirkorlik sub’ektlariga mazkur qarorda qayd etilgan maqsadlarga kredit ajratish uchun tijorat banklariga, jumladan, xorijiy kredit liniyalarini jalb qilish hisobidan resurslar ajratish;
b) kichik tadbirkorlik sub’ektlariga tijorat banklari kredit miqdorining 50 foizigacha, ammo 500 ming dollardan ko‘p bo‘lmagan yoki unga ekvivalent hajmdagi kreditlari bo‘yicha kafil bo‘lish;
v) tijorat banklarining qiymati 1 million dollardan oshmaydigan miqdordagi kreditlari bo‘yicha foiz xarajatlarini qoplash uchun quyidagi ekvivalentda kompensasiya berish:
milliy valyutada — qayta moliyalashtirish stavkasidan oshmaydigan foiz stavkasida — O‘zbekiston Markaziy bankining qayta moliyalashtirish stavkasining 40 foizigacha bo‘lgan miqdorida;
xorijiy valyutada — tijorat banklari tomonidan belgilangan foiz stavkasining 40 foizi, ammo 3 foizdan ortiq bo‘lmagan miqdorda.
Jamg‘arma bosh bitimlar asosida tijorat banklari orqali milliy va xorijiy valyutada kichik tadbirkorlik sub’ektlarini moliyaviy qo‘llab-quvvatlaydi va tijorat banklariga resurslarni taqdim etadi.
Jamg‘arma tijorat banklarining kreditlari bo‘yicha kafolat va kompensasiyalar, shuningdek, tijorat banklariga quyidagi sohalarda loyihalar amalga oshirilishini moliyalashtirish uchun resurslar taqdim etadi:
qishloq xo‘jaligida, birinchi navbatda, energiya samaradorligi yuqori zamonaviy issiqxonalar qurish, chorvachilik, parrandachilik, baliqchilik, quyonchilik, asalarichilik, uzumchilik va bog‘dorchilikni, shu jumladan, intensiv bog‘larni rivojlantirishga qaratilgan loyihalar;
qishloq xo‘jaligi mahsulotlarini qayta ishlash sohasida — meva-sabzavot mahsulotlarini saqlash bo‘yicha infratuzilma va ushbu mahsulotlarni transportirovka qilish bilan bog‘liq logistika markazlarini tashkil etish bo‘yicha loyihalar;
ko‘p kvartirali uylarda umumiy foydalaniladigan joylarni xususiy uy-joy mulkdorlari shirkatlari va boshqaruv kompaniyalari tomonidan obodonlashtirish va ta’mirlash loyihalari;
tadbirkorlik faoliyatining Mahkamasi belgilaydigan boshqa yo‘nalishlaridagi loyihalar.
Manba: Kun.uz “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
«Real Madrid» ustozi Karlo Anchelotti kechagi g‘alabadan so‘ng nimalar dedi?
Erdo‘g‘on: «Isroil Gitlerdan ham o‘tib ketdi»
O‘zbekistonda zilzilaga tayyorgarlik kuchaytiriladi
Biznes imkoniyatingizni kengaytiring
AQSH razvedkasi: Ukraina 2024 yil oxirigacha urushda yutqazishi mumkin
Qondagi shakar miqdorini tartibga soluvchi foydali meva nomi aytildi
Xotirani yaxshilashning juda oddiy usuli topildi
Sirdaryoda budjetga juda ko‘p miqdorda zarar yetkazgan mayning ferma aniqlandi