Shavkat Mirziyoyev nomidan uyli bo‘lgan fuqaro davlat hisobidan shaxsiy mashina ajratishlarini so‘rab portalga yozdi

O‘zbekiston Prezidenti Shavkat Mirziyoyevning virtual qabulxonasiga Surxondaryo viloyati Denov tumanida istiqomat qiluvchi 2-guruh nogironidan murojaat kelib tushdi, deb yozadi Daryo nashri. Murojaat matni Facebook’dagi «Xalq bilan muloqot» guruhida e’lon qilingan.

Unda murojaat muallifi 2-guruh nogironi ekani, bu yil unga Prezident Shavkat Mirziyoyev nomidan uy ajratilgani, buning uchun minnatdor ekanini bildirgan. Ayni vaqtda, mashina haydashga qiziqishini ham bildirgan.

«Ammo mashina olish uchun menda sharoit yo‘q. Menga davlat hisobidan mashina berilishini istayman. Bu masalada Denov tumani hokimligiga murojaat qildim, ammo mashina ajratilmasligini aytishdi. Mening Sizdan iltimosim, ushbu masala yuzasidan amaliy yordam berishingizni so‘rayman», — deb yozadi murojaat muallifi.

Fuqaroning bu murojaati matni surati «Xalq bilan muloqot» hech bir izohsiz e’lon qilingan. Mazkur murojaat guruhda qizg‘in bahs-munozaralarga sabab bo‘lgan. “Zamin” yangiliklarini “Instagram”da kuzatib boring