17:22 / 23.11.2017
10 637

3 opa-singil o‘limi haqida yangi ma’lumotlar ma’lum bo‘ldi

3 opa-singil o‘limi haqida yangi ma’lumotlar ma’lum bo‘ldi
Avval xabar qilganimizdek, bir oilaning 3 nafar qizlari 8 noyabr kuni Toshkentda olamdan o‘tgan edi. Ularning eng kichigi shifoxonaga olib ketilayotganda tez yordam mashinasida olamdan o‘tgan. Qolgan ikki nafari O‘zbekiston Respublikasi Sog‘liqni saqlash vazirligi Epidemiologiya, mikrobiologiya va yuqumli kasalliklar ilmiy- tadqiqot institutiga yetkazilgan.

Sud-tibbiy ekspertizasi natijalariga ko‘ra, qizlar dori vositalarini noto‘g‘ri qabul qilganliklari uchun olamdan o‘tishgan. Bu haqda UzNews.uz muxbiriga ekspertiza o‘tkazilgan O‘zbekiston Respublikasi Sog‘liqni saqlash vazirligi Epidemiologiya, mikrobiologiya va yuqumli kasalliklar ilmiy- tadqiqot institutidagi tegishli manbaa xabar berdi.

Ma’lum bo‘lishicha, qizlarga "Vermoks" nomli parazitlarga qarshi dori buyurilgan. Ammo, dorixona xodimi shifokor yozuviga tushunmay, yurakka aloqador xastaliklarda qabul qilinuvchi "Verapamil" dori vositasini bergan.

Dori vositasini qabul qilish natijasida, qizlarda kardiogen shok holati yuzaga kelgan.

Eslatib o‘tamiz, mazkur holat yuzasidan Olmazor tumani prokuraturasi Jinoyat kodeksining 4-qismi "a" bandi bilan jinoiy ish qo‘zg‘atgan. Ayni vaqtda tergov harakatlari davom ettirilmoqda.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Jamiyat » 3 opa-singil o‘limi haqida yangi ma’lumotlar ma’lum bo‘ldi