O‘zbekistonliklar «Palov rekordi»ni yangilashmoqchi

14 yanvar kuni Surxondaryo viloyatining Denov tumanida osh tayyorlash bo‘yicha yangi rekord o‘rnatishga tayyorgarlik ko‘rilmoqda.

Viloyat hokimligi axborot xizmatidan «Kun.uz»ga ma’lum qilishlaricha, shu kuni 9 tonnalik osh damlanadi.

Bu orqali surxondaryolik oshpazlar o‘tgan yilning 8 sentyabrida Toshkentda o‘rnatilgan rekordni yangilashmoqchi. O‘shanda Toshkentda 7,3 tonna hajmda palov tayyorlangan va bu mega-palov Ginnessning rekordlar kitobiga kirgandi.

Qayd etish kerakki, Denovda ham Toshkentdagi rekordni o‘rnatishda foydalanilgan ulkan qozondan foydalanishmoqchi. Tadbir tuman markazidagi stadionda o‘tkaziladi. “Zamin” yangiliklarini “Odnoklassniki”da kuzatib boring