To‘ylardan qachon to‘yamiz? Xalqaro press klubda yana dolzarb mavzu tahlili

  • 19-03-2018, 19:14
  • 1 562
  • Jamiyat
  • To‘ylardan qachon to‘yamiz? Xalqaro press klubda yana dolzarb mavzu tahlili
    Bugun to‘y va marosimlar qanday o‘tmoqda? Aslida ular qanday bo‘lishi kerak? Bu borada haddan oshish qanday oqibatlarga olib kelmoqda?

    Bular oddiy savollar emas va javobi ham oddiy bo‘lmaydi. Har bir udum va an’ananing tarixi bor. Jumladan to‘ylarning ham. Lekin oxirgi yillarda aksariyat odamlar to‘yning asl maqsadini batamom esdan chiqardi. Oqibatda jamiyatimizda, odamlar o‘rtasida bir biridan o‘zish, hasad qilish illatlari kuchaydi. Bu bema’ni “musobaqalar”dan bugun nafaqat bitta oila, balki butun jamiyat zarar ko‘rmoqda. Ajralishlar soni keskin ortib, oilalar qarz ustiga qurilib, turli ziddiyatlar vujudga kelmoqda. Isrofgarchilik ortmoqda.

    Davlatimiz rahbari bu muammoning asl sababi va yechimlarini bir necha barta jonkuyarlik bilan tahlil qildi. Hozirda Oliy Majlis Senati tomonidan to‘y va marosimlarni ixchamlashtirishga qaratilgan Qaror loyihasi xalqimiz muhokamasiga qo‘yilgan. Mazkur Qaror va Nizomda qanday tartiblar belgilanadi? To‘ydan tejalgan mablag‘ga nimalar qilish mumkin? Xorijdan kirib kelayotgan ustiga asal surtilgan “zahar”ni yedirishdan maqsad nima? Ma’naviy mustamlakaga aylantirish emasmikan?

    Xalqaro press klubning “Maslahatli to‘y tarqamas yoxud tanazzulga olib borayotgan hoy-u havaslar” mavzusidagi navbatdagi tahliliy sessiyasida mazkur dolzarb muammolar tahlil qilinadi. Sessiyaning birinchi qismi bugun “Axborot 24” dasturidan so‘ng namoyish etiladi


    Manba: Kun.uz

    » » To‘ylardan qachon to‘yamiz? Xalqaro press klubda yana dolzarb mavzu tahlili