O‘zbekiston shaharlarida va aholi punktlarida ruxsat berilgan maksimal tezlik yil oxirigacha 70 dan 60 km/soatgacha pasaytirilishi mumkin. Bu jamoatchilik muhokamasi uchun e’lon qilingan, 2018—2022 yillarda mamlakatda yo‘l harakati xavfsizligini ta’minlash konsepsiyasi loyihasida ko‘zda tutilgan, deb yozadi «Gazeta.uz».
O‘zbekistonda amalda bo‘lgan Yo‘l harakati qoidalari turar joy zonalari va ularga yondosh hududlarda tezlikni 30 km/soat etib cheklaydi, ammo belgilar, harakatni sekinlashtirish vositalari va nazorat yo‘qligi sababli ushbu talab ko‘pincha buziladi. O‘zbekistonda maktab va bog‘chalar yaqinida tezlikni cheklash bo‘yicha talablar yo‘q, hududlardagi mahalliy hukumat ushbu masalani mustaqil tarzda nazorat qiladi.
O‘zbekiston Yo‘l harakati qoidalari mahalliy hukumatga agar yo‘l sharoitlari xavfsiz harakatni ta’minlasa, yo‘l harakati xavfsizligi xizmati bilan kelishgan holda, yo‘lning alohida uchastkalarida yoki harakatlanish polosalarida alohida turdagi transportlar uchun tezlik rejimini oshirishga ruxsat beradi.
Avvalroq Toshkent shahar Ichki ishlar bosh boshqarmasi aholi punktlaridagi ko‘chalarda tezlikni chegaralash bo‘yicha dunyo tajribasini tahlil qilayotgani xabar berilgan edi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Nebenzya G‘arbning BMT Xavfsizlik Kengashidagi nutqini ikkiyuzlamachilik paradi deb atadi
Eron: “Agar mojaroga AQSH aralashsa, amerikalik harbiylar nishonga olinadi”
Eron Isroilga hujum uyushtirdi. Endi urush boshlanadimi?..
Mojarodan so‘ng Ukrainani nima kutayotgani ma’lum bo‘ldi
Pentagonning sobiq tahlilchisi G‘arb nega Ukrainada tinchlik istamasligini tushuntirdi
Eronning Isroilga hujumi shunchaki spektakl edimi?..
“Tolibon” Eronning Isroilga qarshi hujumini qo‘llab-quvvatladi
Bayden va rafiqasining umumiy daromadi e’lon qilindi
