London iqtisodiy va siyosiy fanlar maktabi Goddyear kompaniyasi bilan hamkorlikda tadqiqot o‘tkazib, haydovchilarni fe’l-atvoriga ko‘ra guruhlarga bo‘lib chiqishdi. Tadqiqot yevropalik haydovchilardan tuzilgan fokus-guruhlarda olib borildi.
Haydovchilar yetti guruhga bo‘lindi. Ulardan birinchisi “o‘qituvchilar”dir.
“O‘qituvchilar”ga boshqa haydovchilar o‘z xatolarini tushunishi muhim. Bundan tashqari, ular boshqa haydovchilarga aql o‘rgatib, evaziga minnatdorchilik kutadi.
“Bilag‘onlar”ning fikricha, undan boshqa haydovchilar hech narsani tushunmaydi. Bu guruh vakillari o‘z mashinalaridan chiqmagan holda yo‘l harakatining boshqa ishtirokchilariga baqirishini xush ko‘radi.
“Raqobat ishqibozlari” doimo boshqalardan o‘zib ketishga intilishadi, agar ularga to‘sqinlik qilinsa, bunga norozilik bildirishadi. Ular oldindagi mashina bilan o‘rtaliq masofani imkon qadar kam saqlab, boshqalarning suqilib olishiga imkon qoldirmaslikka harakat qiladi.
“Jallodlar” turli usullar bilan noto‘g‘ri harakat qilgan haydovchilarni jazolashga harakat qiladi. Kelishmovchilik yuzaga kelganda ular mashinasidan tushib, raqibi bilan janjallashib ketadi.
“Faylasuflar” boshqa haydovchilarning noto‘g‘ri xatti-harakatlariga e’tibor qaratishmaydi va hatto o‘zlaricha to‘g‘ri tushunishga intilishadi. “Tahdiddan qochuvchilar” o‘zlari xavfli deb sanagan haydovchilardan uzoqroq yurishga harakat qilishadi. “Qochoqlar” esa yo‘lda bo‘layotgan ishlarga aralashishni yoqtirmaydi va sekinlik bilan bir chekkadan ketaveradi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Erdo‘g‘on: «Isroil Gitlerdan ham o‘tib ketdi»
«Real Madrid» ustozi Karlo Anchelotti kechagi g‘alabadan so‘ng nimalar dedi?
O‘zbekistonda zilzilaga tayyorgarlik kuchaytiriladi
Qondagi shakar miqdorini tartibga soluvchi foydali meva nomi aytildi
Biznes imkoniyatingizni kengaytiring
Qozog‘istonlik milliarderlar suv toshqinidan zarar ko‘rgan hududlarga mablag‘ ajratdi
Zelenskiy: Rossiya Ukrainaning issiqlik energetikasini deyarli to‘liq yakson qildi
Xotirani yaxshilashning juda oddiy usuli topildi