O‘zbekiston Prezidenti Shavkat Mirziyoyev 30 aprel, dushanba kuni Toshkentda Turkiya biznesi va banklari rahbarlari qarshisida nutq so‘zlayotib, ularga Toshkentning yangi hokimi — Jahongir Ortiqxo‘jayevni tanishtirdi, deb yozadi «Gazeta.uz».
«Men O‘zbekiston tarixida birinchi marta o‘zim ishonadigan tadbirkorni Toshkent hokimi etib tayinladim. Bunaqasi tarixda bo‘lmagan», — dedi Shavkat Mirziyoyev.
«Bu joriy islohotlarni tushunadigan, byurokratiyadan uzoq bo‘lgan, Toshkent shahrining ertangi kuni qanday bo‘lishini tasavvur qiladigan, zamonaviy yigit O‘zbekistonga toza havo kirishi uchun, investorlarni qo‘llab-quvvatlash uchun tayinlandi», — deya ta’kidladi Prezident.
«U bizning ko‘pchilik rahbarlarimiz kabi raykom, partiya singari byurokratiya tizimlarining hech birida ishlamagan. Bu tadbirkor. Shunga qaramay, men bu tadbirkorni eng yirik hududimiz — Toshkent rahbari etib tayinladim», — dedi davlat rahbari.
«Ertangi kunni men faqat tadbirkorlarga ishonaman. Shu sababli qaror qildim: tadbirkor — Toshkent shahar hokimi», — dedi u.
«Bugungi kundan e’tiboran u ikki karra mas’uliyatga ega, — deya qo‘shib qo‘ydi Shavkat Mirziyoyev. — Agar sizlar (turkiyalik investorlar) Toshkentda birorta to‘siqqa duch kelsangiz, u javobgar bo‘ladi».
Akfa kompaniyalari asoschisi, Artel Engineering va Tashkent City direktori Jahongir Ortiqxo‘jayev 26 aprel kuni Toshkent hokimi vazifasini bajaruvchi etib tayinlangan edi.
“Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Erdo‘g‘on: «Isroil Gitlerdan ham o‘tib ketdi»
«Real Madrid» ustozi Karlo Anchelotti kechagi g‘alabadan so‘ng nimalar dedi?
O‘zbekistonda zilzilaga tayyorgarlik kuchaytiriladi
Biznes imkoniyatingizni kengaytiring
Qondagi shakar miqdorini tartibga soluvchi foydali meva nomi aytildi
Zelenskiy: Rossiya Ukrainaning issiqlik energetikasini deyarli to‘liq yakson qildi
Qozog‘istonlik milliarderlar suv toshqinidan zarar ko‘rgan hududlarga mablag‘ ajratdi
Tadbirkorlarga qo‘llanadigan moliyaviy jarima kamaytiriladi
