Rashidjon Qodirov (o‘ngdan birinchi) Shuhrat Uzoqov bilan birgalikda ShHTga a’zo davlatlar Bosh prokurorlari yig‘ilishida. Toshkent. 2014 yil 8 oktyabr.
Foto: «Genproc.gov.ru»
O‘zbekiston Respublikasi Bosh prokuraturasi bugun, 5 iyun kuni bo‘lib o‘tgan «Mamlakatimizda ijtimoiy adolat va qonun ustuvorligini ta’minlash borasida belgilangan chora-tadbirlar ijrosi» mavzusidagi brifingda Rashidjon Qodirovga nisbatan qo‘zg‘atilgan jinoyat ishi bo‘yicha yangi ma’lumotlarni oshkor qildi.
Tadbirda ishtirok etgan «Kun.uz» muxbiri Zafarbek Solijonovning sobiq bosh prokuror Rashidjon Qodirovga nisbatan qo‘zg‘atilgan jinoyat ishi bo‘yicha olib borilayotgan tergov jarayoni qaysi bosqichda ekani haqidagi savoliga javoban Bosh prokuraturaning Uyushgan jinoyatchilik va korrupsiyaga qarshi kurash boshqarmasi boshlig‘i o‘rinbosari Mansur O‘rolov quyidagilarni ma’lum qildi:
— Bosh prokuraturaning Uyushgan jinoyatchilik va korrupsiyaga qarshi kurash boshqarmasi tomonidan sobiq bosh prokuror Qodirov Rashid Hamidovichga nisbatan hozir tergov harakatlari olib borilayapti. Tergov jarayonida Qodirov Rashid Hamidovich tomonidan lavozimga tayinlash, shuningdek, rahnamolik qilish, pora olish bilan bog‘liq holatlar aniqlangan. Jinoyat ishi bo‘yicha hozirda 24 nafar shaxsga ayblov e’lon qilingan, shulardan 21 nafar shaxsga nisbatan qamoqqa olish ehtiyot chorasi qo‘llangan. Hozir tergov harakatlari olib borilayapti. Tergov yakuni bo‘yicha albatta ommaviy axborot vositalariga tergovda aniqlangan holatlar bo‘yicha ma’lumot beriladi.
Eslatib o‘tamiz, 2018 yilning 22 fevral kuni O‘zbekistonning sobiq Bosh prokurori Rashidjon Qodirov hibsga olingani haqida xabar bergan edik. O‘zbekiston Respublikasi Bosh prokuraturasi dastavval bu ma’lumotni rad etgan, so‘ngra 24 fevral kuni buni rasman tasdiqlagan edi. Sobiq bosh prokuror tovlamachilik, hokimiyat yoki mansab vakolatini suiiste’mol qilish va pora olish kabi jinoyatlarini sodir etishda ayblanmoqda.
“Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
AQSHning Suriyadagi harbiy bazasiga raketalar hujum qildi
Olimlar o‘quvchilarning familiyasidagi bosh harf ularning bahosiga ta’sir qilishini aniqladi
Futzal. Osiyo Kubogi. Tojikiston Yaponiyani guruhda qoldirdi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Germaniyaning Knauf kompaniyasi Rossiyadan butunlay chiqib ketishini tasdiqladi
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Damas uchun onlayn kontraktatsiya ochiladi
Shveysariya prezidenti Putinga maktub yo‘lladi