11 iyun kuni poytaxtimizda “Terrorizmga olib keluvchi tajovuzkor ekstremizm va radikalizmning oldini olish hamda ularga qarshi kurashishda yoshlarning roli” mavzuida xalqaro konferensiya o‘z ishini boshladi. Bu haqda "Xalq so‘zi" nashri xabar berdi.
Tadbir O‘zbekiston Respublikasi Oliy Majlisi Senati tomonidan Yevropada xavfsizlik va hamkorlik tashkiloti bilan hamkorlikda tashkil etildi.
Anjumanda Birlashgan Millatlar Tashkiloti, Yevropada xavfsizlik va hamkorlik tashkiloti kabi nufuzli xalqaro tashkilotlar, AQSh, Buyuk Britaniya, Germaniya, Ispaniya, Niderlandiya, Latviya, Rossiya, Xitoy, Hindiston, Yaponiya, Malayziya, Kuvayt, Qozog‘iston, Qirg‘iziston, Afg‘oniston singari mamlakatlar delegatsiyalari, xorijlik ekspertlar, senatorlar, deputatlar, O‘zbekiston yoshlar ittifoqi faollari, fan arboblari, OAV xodimlari ishtirok etdi.
Ushbu konferensiyani tashkil qilish haqidagi tashabbus Prezidentimiz Shavkat Mirziyoyev tomonidan 2017 yilning noyabr oyida YeXHT Bosh kotibi Tomas Greminger bilan bo‘lgan uchrashuv chog‘ida ilgari surilgan edi. O‘z navbatida, nufuzli xalqaro tashkilotlar davlatimiz rahbarining bu taklifini qo‘llab-quvvatladi.
Konferensiyada ishchi guruh uchta alohida mavzu ustida ishlab, yakunda Markaziy Osiyo mintaqasi uchun siyosiy tavsiyalar ishlab chiqiladi. Tadbir doirasida 12 iyun kuni Samarqand shahrida “Millatlararo va dinlararo munosabatlar sohasida O‘zbekiston tajribasi” mavzuida diniy konfessiyalar va milliy madaniy markazlar vakillari ishtirokida muloqot tashkil etiladi.
“Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Zelenskiyga ukrainaliklar haqida kutilmagan yangilik aytildi
Akademik Qodir G‘ulomov Qo‘shrabotda bo‘ldi
Olimlar o‘quvchilarning familiyasidagi bosh harf ularning bahosiga ta’sir qilishini aniqladi
O‘zbekistonda o‘tgan uch oyda qancha avtomobil ishlab chiqarilgan?
Zohida Umarova nima sababdan o‘g‘li va kelini bilan birga yashamasligini aytdi
Futzal. Osiyo Kubogi. Tojikiston Yaponiyani guruhda qoldirdi
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Ramzan Qodirovning 19 yoshli qizi medal bilan taqdirlandi
