Sobiq bosh prokuror Rashidjon Qodirov ozod etilishi mumkin

  • 28 iyun 2018, 20:43
  • 5 058
  • Jamiyat
  • Sobiq bosh prokuror Rashidjon Qodirov ozod etilishi mumkin
    Rashidjon Qodirov (o‘ngdan birinchi) Shuhrat Uzoqov bilan birgalikda SHHTga a’zo davlatlar Bosh prokurorlari yig‘ilishida. Toshkent. 2014 yil 8 oktyabr. Foto: “Genproc.gov.ru”
    Bugun, 28 iyun kuni ish boshlagan Oliy Majlis Senatining o‘n beshinchi yalpi majlisida senatorlar Rashidjon Qodirov va boshqalarga nisbatan qo‘zg‘atilgan jinoyat ishi bo‘yicha tergov harakatlari bilan bog‘liq savollar berdi, deb yozadi “Xabar” nashri.

    Savollardan biri sobiq bosh prokuror R.Qodirovga nisbatan qo‘zg‘atilgan jinoyat ishining qanday ketayotgani haqida bo‘ldi. Bunga javoban Bosh prokuror O.Murodov ayni paytda R.Qodirov va boshqalarga nisbatan qo‘zg‘atilgan jinoyat ishi bo‘yicha tergov harakatlari davom etayotganini ma’lum qildi.

    Manbaning yozishicha, jinoyat-protsessual qonunchilik nuqtai nazaridan tergov tafsilotlari oshkor etilmaydi.

    Bir narsani aytib o‘tish mumkinki, sobiq bosh prokuror Qodirovga nisbatan qo‘zg‘atilgan jinoyat ishi doirasida 24 nafar shaxs javobgarlikka tortilgan.

    — Fuqarolarga shuni yetkazib qo‘yish kerakki, — deb qayd etdi Bosh prokuror, — bu kabi jinoyat ishlari qo‘zg‘atilishidan maqsad — bunga yo‘l qo‘ygan shaxslarni qamash emas, balki yetkazilgan zararni undirish. Boshqacha aytganda, ular yegan narsalarini joyiga qo‘yib qo‘ysa, qamoqdan ozod qilinib, qo‘yib yuborilishi ham mumkin.

    Lekin talon-toroj qilingan mablag‘lar juda katta miqdorni tashkil etadi. Vaqti kelib xalqimiz buning hammasini bilib oladi.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Sobiq bosh prokuror Rashidjon Qodirov ozod etilishi mumkin